كان الاستاذ خان اتكلم قبل كدة عن الموضوع دة بس بطريقة آخرة دة لينك الموضوع
الاستاذ خان كان بيقول ان الفيلم بيروح للرقابة و اول ما المسؤلين بيعرفوا انة فيلم عربي يتهافتون لانة طبعا فيلم جديد و عربي فا يقعدوا في غرفة مظلمة و يتم مشاهدة الفيلم و مع كل ملاحظة واحد يفتح الاباجورا اللي جنبوا و يكتب الملاحظة بتاعتة "كل دة كلام جميل" بس المراقبين مش فنانين و مش عارفين اية اللي يصلح لدرامة الفيلم و اية الغير صالح للدرامة "لا " دول عاملين زي الجزارين اقطع يابني المشهد دة و كمان المشهد دة و طبعا العامل بيسال المشاهد دي هاتروح فين يقولة يا عم خليها لينا زي فيلم "السلم و الثعبان" بعد ما يتفرجوا علي المشهد مليون مرة و يفرحوا يلا بقة اقطع يابني علي فكرة المشاهد مش لازم تكون مشاهد اباحية او كلام خارج او حتي كلام في السياسة لا دة ممكن في ابسط حاجة يكون المراقب بيقراء الكف و يقولك المشهد دة طويل شوية اقطع يابني و ممكن المشهد دة يكون "مستر سين" ياعني اهم مشهد في السينما و اللي بيكمل درامة الفيلم للمشاهد
السؤال دلوقتي يا تري الرقابة و صلت لها الرشاوي ؟؟؟؟
7 comments:
الرقابة فعلا يامشربية من اسباب تخلف السينما عندنا فى مصر
بس انت قلت ان الرقابة دورها مش بيقتصر على قطع المشاهد الاباحية او الكلام المسىء من وجهة نظرهم وانما ممكن تتدخل فى سياسة المخرج من حيث قطع مشاهد معينة طويلة او شىء مشابه
طبعا الكلام ده مش صح ومفيش مخرج محترم يقبل ان حاجة زى ديه تحصل واليوم اللى الرقابة توصل فيه لكده يبقى ده يوم وفاة السينما والفن فى مصر رسميا
بالنسبة لسؤال الرشاوى فمفيش حاجة ياعزيزى الرشاوى ماطلتهاش حتيجى على الرقابة يعنى
يعنى الرشاوى ممكن تخليهم يقطعوا من فيلم او ميقطعوش !!!
يمكن برضه المصالح الشخصية بقت الاهم دايما
انا اكيد مش مع اى قطع فى الافلام
و تحياتى
لا يا بشري انا قلت ان المراقب بيقراء الكف و يقول ان المشهد طويل اقطع جزء منة و ممكن الجزء اللي اتقطع دة يكون ماستر سين و علي فكرة دة حصل في فيلم سهر اليالي جملة "علي ابن الناس الكويسين" دة لية مشهد كامل بيثبت لية الجملة اتقالت لخالد ابو النجا و دة بيحصل للاسف من ورا المخرج دة اللي اكتشفتة من كلامي مع هاني خليفة و ع شان كدة يا محمد بسال علي الرشاوي هل وصلت للرقابة طبعا الاجابة وصلت للاسف و الله اعلم و اللي ممكن يثبت افلام شاهين بتتعرض زي ما هي و افلام عادل امام بتتعرض زي ما هي طبعا مش معنا كلامي ان الناس دي بتدفع رشاوي ولا حاجة بس الرقابة عارفين ان الناس دي ممكن توديهم في داهية هي دي وجهة نظري
و متشكر جدا جدا علي زيارتكم
مافيش حاجة ما وصلتهاش الرشاوى و مافيش حاجة ماتأطعش منها فى البلد دى
أعتقد أن الرشوه وصلت لها من زماااااااااان
و دليل ان فى أفلام كتير محترمه ممكن يتشال منها مشاهد و و فيه أفلام بتكون مليانه بالمشاهد آللى مش ليها لازمه و بتتعرض لاسباب تجهل
زى أفلام أيناس الدغيدى و يوسف شاهين رغم أنى بحب أفلامه بس ده رأيى
__________
شكرآ على ساحة الحوار
الف شكر يا سارة و متشكر ليكي انت و اكيد عندك حق و انا كمان بحب شاهين جدا
هو الصرحة لازم نعترف إننا وصلنا لدرجة أن رقبة الشرع أصبحت أقوي من مؤسسة لرقابة بمعني أن الرقابة أصبحت تسمع بعرض أفلام تلاقي الناس بعد كدا بتعترض عليه..، أنا شايف أن الجمهور دلوقتي هو اللي بيلعب دور الرقيب.
، الموضوع طبعً فيه خيار و فقوس حسب المنتج و النجوم
Post a Comment