انهردة الصبح كنت في مكتبة في مصر الجديدة و دخلت فيها ع شان اسال عن الكتاب الجديد لابراهيم اصلان فا دخلت
العبد الله : السلام عليكم لو سمحتي هو كتاب ابراهيم اصلان موجود و لا لسة مجاش
لقيت الست بتبص لوحدة جنبها و بيتكلموا بصوت منخفض و اثناء الحديث دخل علينا راجل "ملو هدومة" فا الست سالتة فا قال لها
الراجل : !!!! احنا معندناش حد هنا بالاسم دة في المكتبة
سعيتها مش عارف اية اللي حصل ممكن انتم تقولولي اية اللي حصل ؟؟؟
و استعنت بكلمة الشيخ حسني من فيلم الكيت كات : دة انا اخذء لك عينك و اخلي التانية تتحصر عليها
19 comments:
ناس كتير مش بتعرف الكتاب الكبار
انت فى مجتمع مش بيحب القراءة
اللى حصل ان الراجل اللى ملو هدومه لا يفقه شئ فى اى شئ اصلا واعتقد انه ميعرفش انه فى مكتبه كمان ممكن يكون فاكر نفسه فى لوكاندة وانت جاى تسال على واحد
كنت قولتله ياعم ده اسم مؤلف مش واحد بيشتغل هنا
لاحول ولا قوة الا بالله
الى حصل أن الجهل بقى معمم خصوصا عند الى ماليين هدومهم
هههههههههههههههههههههههههههههههه
هاموت من الضحك
يا سيدى جت على دى طيب تخيل نجيب محففوظ الى هوا نجيب محفوظ بقى يعنى
فى واحد اعرفة كل معلوماتة عنة انة بتاع سي السيد
بلاش فى شخص ..او على الاصح ضابط شرطة ...
كان فاكر ان سوزان مبارك هيا مؤلفة كل الكتب الى بتتنشر فى مكتبة الاسرة لان صورتها ورا
اية بقى؟
فاكر فيلم الناصر صلاح الدين
لما سال مين الى قتل كليبر قالوة اكيد مش من الفصل هنا
تحيا مصر يا عمنا
تهامي و علياء و عليا حليم
المصيبة انة افتكر ان ابراهيم اصلان واحد بيشتغل عندة في المكتبة و العبد الله جاي يسال عنة
يا علياء انا جاء لي صدمة معرفتش اتكلم معاة فاميشيت
الف شكر علي تعليقكم جدا جدا
و الله يا غزالي انت زي العسل حلوة قوي بتاعت ماما سوزان دي.. دة ساذج بعد عنك "وش واحد بيموت من الضحك" الف شكر يا غزالي علي تعليقك
ممكن لو سمحت اقول رائي بس هو مخالف للاراء ده
معلش استحملوا تقل دمي
يا جماعه مش معني انه معرفش واحد من مشاهير الكتابه انه جاهل
ممكن يكون متعلم بس في اتجاه اخر
كمان مش معني انه استغرب من ثقافه حد او انه لقي حد مهتم بالقراءه انه جاهل ممكن يكون خدها هزار
بس انا اسفه مش مقتنعه انه جاهل
طب ما في ناس كتير يعرفوا كل الادباء والشعراء لكن لا يفقهوا شيء عن كتباتهم
كمان اكيد كل واحد في حضراتكم بيحب يقرا لحد وحد لا
هي ده الفكره انا اعرف مين مش مهم
المهم اني خدت ايه منه
طب مانت ممكن تقعد مع واحد في قعده كده واول مره تشوفه وتستفيد من تجاربه او خبراته او ثقافته
مع انك ممكن تكون نسيت تسأله عن اسمه
ده رأئي
بس مينفعش كل ما نسمع حد انه معرفش حاجه نقول ده حمار وابن معرفش ايه
قال يعني ما شاء الله كلنا فقهاء
ايه علاء الدين
اية ردك جميل و مقنع جدا جدا و اكيد عندك حق بس هو فية حاجة هو ياريت قال مين او الست قالت كتاب اية لا دة قال احنا معندناش حد في المكتبة بالاسم دة معتقدش انة بيهرج زي صاحبنا بتاع سوزان مبارك اللي فاكر انها هي اللي كاتبة جميع كتب القراءة للجميع و دة لمجرد ان صورنها ورا في الكتاب بس ادي كل الحكاية و انا معاكي مليون في المية علي ان في القاعدة الواحدة ممكن تتثقافي من واحد عمرك ما شوفتية او حتي سميعتي عنة و دي بقا اسمها ثقافة الشارع
الف مليون شكر يا اية
هههههههههههههه
أزاى يبشتغلوا فى مكتبه و مش عرفين الكتاب المصريين على الأقل........ أنا مره بقول لوحده صحبتى أنا بحب موسيقى عمر خيرت قالت لى ده بتاع أيه ...ههههههههه
على رأى أحمد السقا ، ينهار جهل شباب
الف شكر يا سارة علي تعليقك و كويس انها مقلتش مش دة اللي بيذيع متشات كاس العالم:( و للاسف مين في البلد او في العالم كلة بيشتغل شغلانة و عارف معلومات عنها
بصراحة أنا من غيظى منها قلت لها ده بيبيع لبن :( و أنا كنت متضايقة و أنا بقول كده ، و حاولت أجيب لها أى أسامى ناس غيره فى مجالات تانيه لكن لاقيت أخرها عمرو دياب و اللمبى :( .. و شكرآ لردك على لوحتى آللى فى البلوجر بتاعى .. و ممكن تسمح لى أنى أضيفك عندى ؟
يعني كمان شغالين في مكتبة ومش عارفين ابراهيم اصلان...طب كويس ان الفكاكة المصرية ماشتغلتش وقالولك انه اجازة انهارده
تحياتي ليك
محمد سمير
ومن الجهل ماااااااااااا قتل
تحياتي
سارة اكيد طبعا ممكن و متشكر جدا علي الاطراء
غمض عنيك ردك جميل و بجد متشكر قوي قوي و فعلا انا بحمد ربنا انهم مقالوش كدة الف شكر علي ردودكم جميعا
عندك حق يا اسكندراني و متشكر قوي علي تعليقك
العسكري باشا
هو السؤال في حد ذاته غلط ، ازاي متوقع ان كتاب صدر حديثا هايكون موجود في المكتبة العامة و قابل للاستعارة؟ ساعتها ماحدش هايشتري كتب جديدة و الكل هايستعير ، ده طبعا بالاضافة لان الباهيم اللي شغالين في المكتبة مش فاهمين حاجه
ربيع الف شكر علي تعليقك بجد و بعدين اديك قلتها الباهيم اللي شغالين في المكتبة مش فاهمين حاجه
بس ادي الموضوع الف مليون شكر علي تعليقك مرة تانية
يووووووووووووووووه يا ما بنقابل من كده وبمناسبة الكيت كات فجأة افتكرت تعليق مناسب للموقف
الراجل : هاه واتعميت
الشيخ حسني : راح النور يا حمار مش اتعميت
بس هوه ده الفرق
صباح الفل
دا انت مصيبه يا محمد ههههههههههههههههه
Post a Comment