مجرد وجهة نظر 2

بقالي فترة مش عايز اطول كلمتين و رد غطاهم مش عارف دي هواجس ولا اية ؟ شوفوا و قولولي

يا خوفي اللي انا فية دة يكون وهم
و بضحك بية علي نفسي قبل ما يطولني الهم
و اللي حوليا بيبنولي في كلام
و انا من هبلي عيشتة احلام
المشكلة اني مصدق نفسي
خايف اسالهم .... يسيبوني و يمشوا
سعيتها مش هاعرف الومهم لانهم ماخذوش اجورهم
اصل نسيت اقول لكم ان كلامهم غير احلامهم

مجرد وجهة نظر

في نظرك اية هو الاحترام؟
!يصمت
الاحترام ان لما يكون واحد أعمي بيكلمك .... تبص في عينة

لية؟؟؟؟؟؟؟؟؟؟؟؟؟؟؟؟؟؟

لية الناس اللي انت بتحبهم و الله اعلم اذا كانوا هما كمان بيحبوك او ممكن تكون شفقة منهم ليك ع شان يظهروا انهم بيحبوك قدام الناس بيستغلوة و يطلبوا منك حاجة في اوقات سخيفة بدافع السلام و الاطمانان عليك فا بتضطر انك تخلق اعذار و المصيبة انك بتتكشف و هما بيستغلو هذة النقطة و تكون اعينهم دليل اتهام مدي الحياة

ازاي قبلت شريف البنداري

معرفش لية كان نفسي اني أعرف الناس ازاي قبلت المخرج شريف البنداري كنت شاهدت لشريف فيلم اسمة "6 بنات" و هو أول فيلم تسجيلي لة و كان في سنة ثالثة معهد سينما عجبني قوي الفيلم لكن للاسف معرفتش مين اللي اخرج الفيلم دة لغاية يوم "7/8/2006" يوم الاربعاء في برنامج اسمة "شارع الكلام " علي النيل الثقافية كنت قاعد بتفرج علي التليفزيون و بشاهد القنوات و عديت علي الثقافية و لحظت واحد بيتكلم عن "هند صبري "و عن ميكينج فيلم لسة ماعرفش اسمة و بعد كدة لقيتهم فجأة اتكلموا عن الافلام القصيرة قلت لنفسي " يا عم اقلب " وفضلت اقلب في القنوات و معرفش لية رجعت تاني للثقافية و كملت باقي البرنامج و عجبني قوي كلام البنداري و عرفت من الكلام و الاسئلة الموجهة لشريف عرفت انة هو مخرج فيلم "6 بنات" اللي كان عجبني جدا و دة اللي جعلني اتصل بالبرنامج لكن للاسف الكنترول رد عليا و قال لي ان البرنامج خلص انا كنت عايز اكلم شريف ع شان اقابلة و اعرض علية قصة كنت كتبتها و اسمها " مذكرات شخص" فا قلت للراجل اللي رد عليا :طيب مش ممكن اخذ نمرة التليفون و اكلمة

بعدين فضل ساكت كدة شوية و لقيتة بيقولي لحظة واحدة و بعد دقيقة بالضبط لقيت شريف البنداري بيكلمني و قلت لة انا محمد العسكري و كنت عايز اعرض عليك قصة قصيرة قال لي :مافيش مانع دي نمرة الموبايل و اخذتها و اتفقنا علي المعاد و كان يوم الخميس الموافق 8/6/2006 و قال لي :اتصل بيا بكرة الساعة 6 بليل و نتفق علي معاد و بعد المكالمة حضرت ورقي كلة و كل حاجة كتبتها في حياتي و فضلت مستني اليوم التاني و جأت الساعة السادسة و اتصلت : شريف ايوة انا محمد اللي كلمتنك امبارح في البرنامجشريف :اة ايوة ايوة ازيك يا محمد انت بقة عرفتني منينشرحت لة الاسطر اللي فوق دي كلها و اتفقنا علي اننا نتقابل الساعة 9 بليل في الزمالك في "سيلانترو كافية" و قال لي : انت بس معندكش حاجة يا عني فاضي قلت لة : ايوة ايوة انا كلة تمام مخلص الامتحانات و كلة تمام و قال لي :طيب كويس بس يا محمد جيب معاك كل اللي انت كاتبة مش القصة بس و فعلا انا كنت محضر كل حاجة من امبارح و حضرت نفسي للمعاد و ركبت اتوبيس رقم "76" من مساكن شيراتون الي الزمالك عند 26 يوليو لكن للاسف و انا في الطريق كنت حاسس اني هاتاخر عن الميعاد فا اتصلت بشريف و قلت لة معلش انا هاتاخر لغاية 9 و نصف فا لقيت شريف بيكنسل عليا و هو اللي اتصل و قال لي :محمد معلش ممكن الميعاد يتاخر شوية ع شان في شوية حجات كدة بعملها بس مش هاتاخر عليك و فعلا وصلت امام الكافية الساعة 10 بالضبط و فضلت واقف لغاية الساعة 11 و لقيت شريف نازل من تاكسي و بيلتفت يمين و شمال و روحت لة و قلت لة انا محمد و سلمنا علي بعض و لقيتة بيقولي تحب تقعد فين بقة قلت لة : اي حاجة مش فارقة قال لي : بص فية مكان هنا حلو قوي هي جوة شوية و كانت كافية اسمها "ديل كافية" و هي كانت سبب الاهامي و هاقول لية في السطور القادمة و دخلنا الكافية و قعدنا في آخرها خالص و اول ما قعدنا لقينا بينت و بتسال ممكن حد يصورها طبعا مافيش انسب من شريف و فعلا قام و صورها هو و بعد كدة رجع ليا و قال ها يا سيدي وريني الحجات بقا و بدات اطلع الورق اللي معايا و كانوا ثلاث قصص قصيرة او انا كنت فاكرهم كدة المهم شريف قراء عادي جدا و كل لما اجي اعلق علي حاجة يقول لي بص انت كتبت خلاص

متعلقش علي اي حاجة انت كتيبها لحد هو اللي هايسال و فعلا و من سعتها و انا بعمل كدة و اي حاجة مش فاهمها كان يقولي ازاي ياعني و افهمة وجهة نظري المهم لقيتة بداء يقولي هي دي مش قصص لان القصة بداية و وسط و نهاية و عرفني يا عني اية و قال لي ان الشروط دي مش عندك هنا بس قال لي هي افكار جديدة بس لو اتعملت بتركيز هاتكون احسن و يمكن اي حد كان يقراء لي اي حاجة كان يقول لي انت محتاج قراءة كثير و يسكت لكن شريف قال لي اقراء لمين كمان و اول ترشيح منة ليا هو "صنع الله ابراهيم" قال لي هو دة لو قراءتة كثير هاتعرف توصف و تكتب كويس و فعلا بقيت اقراء لة و سالت شريف طيب ممكن الاقي باقي كتبة فين و شاور ليا علي مكتبة "ديوان" و قال هي دي الوحيدة اللي هاتلاقي فيها كتب لصنع الله المهم اللي بيشتغل في الكافية جاء لنا "بالمنيو " و انا طلبت "هوت شوكلت " و شريف طلب ياكل و مافيش ربع ساعة و الطلب كان جاهز اثناء الربع ساعة دي بقا شريف سالني هاقضي الاجازة دي في اية و قلت لة اني امفروض اشتغل مع جوز بنت خلتي في الادوات الطبية و بدوري سالت شريف هو كمان قال لي انة بيجهز لمشروع التخرج بتاعة و سالني تاني انا بكتب من امتي قلت لة انها بدات معايا من مجلة كلمتنا البداية الحقيقة ياعني و فضلت 3 سنين بحاول انشر حاجة عندهم بس منفيعش لغاية لما اشتغلت حوار مع خالد الصفتي مؤلف "فلاش" بس للاسف لغاية يومنا هذا الحوار لم يتم نشرة المهم ان شريف كان يقصد كتاباتي القصصية مش كا صحفي و لقيتة بيقولي و هو عامل اية دلوقتي ؟! اللي يضحك بقا اني جوبتة عادي و قلت لة انة ساب البلد و هو دلوقتي في قطر و بيحاول يعمل شخصيات فلاش افلام كارتون فا راح قال لي ربنا يوفقة طبعا انا فكرت في الموضوع دة و انا مروح و قلت لنفسي اية دة دة بيسال عن كتابة القصص و انت بتكلمة عن خالد الصفتي المهم بعد كدة الطلابات جت و هو كان ماسك ورقة من الورق و فجاة في تليفون جاء لة و كان من "ناهد نصر الله " شقيقة المخرج "يسري نصر الله " و هي مصممة ملابس في السينما و كانت بتهنية عن جائزة امستيردام عن فيلم صباح الفل و بعد ما قفل قال لي انت عارف مين دي قلت لة طبعا المهم فا قال لي طيب يلا يلا و ابعدنا الورق عن الترابيزة و بدا ياكل و انا بدات اشرب و اثناء الاكل و الشرب كنت اسالة عن سفرية امستردام قال لي انة اتفرج علي فيلم "الخبز الحافي" سيرة ذاتية للكاتب الراحل "محمد شكري" و قال لي انت عارف مش لازم الواحد اول حاجة يعملها تعلم مع الناس يا عني عندك محمد شكري بدا يتعلم الكتابة و هو عندة 20 سنة و بداء يتعرف و هو في الثلاثينات و الرواية اللي علمت مع الناس كانت هي الخبز الحافي سيرتة الذاتية و ترجمت لكذا لغة طبعا كلامة دة ع شان مكنتش ازعل ان القصص اللي قرئها مش قصص و السبب الرئيس اني كنت بكتب كلمة بالفعل " بلفعل" و شرحت لة اني بدات اقراء و اكتب و انا في اولي اعدادي كانت في قصة من ضمن القصص فيها شخصية مرضة و بتقلق من اي حاجة فا قال لي دة اسمة "الوسواس القهري" و تكلمنا علي كليتي و قال لي مش مهم

بعد ما تخلص ادرس اللي بتحبة و خلصنا الاكل و الشرب و جاء الشيك و كنت هادفع فا قال لي عيب عيب استني و للاسف دفع هو و احنا خرجين قال لي هي دي المكتبة ع شان مكنتش اعرف هي فين و بعد كدة قلت لة هو ممكن لو اي حاجة وقفت معايا ابقي اقول لك قال مافيش مانع و سلمنا علي بعض و قلت لة فرصة سعيدة قال انا اسعد و بدات من سعتها اكتب في السيناريو و لسة بعدل فية حجات المقابلة الثانية مع شريف كانت في خان الخليلي بتاريخ2 /1 /2007 و اللي شريف استغرب اني عمري ما روحتها قبل كدة و كانت المقابلة ع شان حوار لكلمتنا و هو موجود في البلوج هنا بالكامل لان في المجلة اتمنتج منة كثير و قعدنا علي قهوة امام مسجد الحسين مش قهوة القشاوي و طلبنا اتنين شاي بالنعناع و الراجل قال لنا مافيش نعناع فا طلبنا اتنين سحلب و اثناء الحديث كان شريف بيشرب السحلب و بعد كدة قمت ع شان احاسب قال انت بتعمل اية لم حجتك و اشرب السحلب لغاية لما احاسب المهم انة و هو بيحاسب لسة هامد ايدي علي السحلب لقيت الصينية بتتسحب و لا اكيني كنت لسة هاشرب و قاعدت انادي و ولا هو هنا طبعا شكرت شريف و بصراحة انا عيني كانت علي السحلب اللي مشربتهوش دة و كان الحساب 10 جنية فا شريف قال لية انا السنة اللي فاتت كان السحلب ب3.50 فا الراجل قال لة دة السنة اللي فاتت بقا و حتي اسال الواد فلان لسة هايسال فا شريف قال لة لا متسالش فلان اسالني انا.. انا اللي شربت حجات حصلت اثناء الحوار :الحوار دة اتعمل يوم 2/1/

2007و اتنشر في كلمتنا 1/5/2007و علي فكرة اثناء اجرائي للحوار الكاسيت باظ فا شريف قال لي يبقي هاتكتب بقة يا ريس و فعلا الحوار كلة كان من فم شريف الي قلمي علي الورق بس طبعا ع شان دة اول حوار انفذة بالكتابة اثناء الحوار فا كان في اخطاء فابعد ما رجعت البيت و رتبت الحوار من جديد كانت فية اخطاء فا ارسلت الحوار لشريف ع شان يصلح الوجهات النظر الخاطئة التي كتبتها عن فم شريف و فعلا اتصلت بية علي التليفون و تم تصليح وجهة نظر شريف و بعد كدة ارسلت الحوار لكلمتنا بس كدة و معلش طويلت عليكم بس دة كان واجب لازم اعملة متشكر جدا لكم جميعا و خصوصا الف مليون شكر يا شريف

ممكن اعرف اية اللي حصل ؟؟

انهردة الصبح كنت في مكتبة في مصر الجديدة و دخلت فيها ع شان اسال عن الكتاب الجديد لابراهيم اصلان فا دخلت

العبد الله : السلام عليكم لو سمحتي هو كتاب ابراهيم اصلان موجود و لا لسة مجاش

لقيت الست بتبص لوحدة جنبها و بيتكلموا بصوت منخفض و اثناء الحديث دخل علينا راجل "ملو هدومة" فا الست سالتة فا قال لها

الراجل : !!!! احنا معندناش حد هنا بالاسم دة في المكتبة

سعيتها مش عارف اية اللي حصل ممكن انتم تقولولي اية اللي حصل ؟؟؟

و استعنت بكلمة الشيخ حسني من فيلم الكيت كات : دة انا اخذء لك عينك و اخلي التانية تتحصر عليها

!!!اول مرة الاتيكيت يخدم الدين في كلمتنا

دي مقالة كانت في كلمتنا الشهر اللي فات واتنشرت في باب للمناقشة عن" احنا و الغرب" الغريبة ان المقالة دي اتنشرت زي ما هي مافيش اي تغير في الاسلوب اللي كتبت بية لكن طبعا الحلو مايكملش المقال" اتمنتج" منة كتييييير يارب يكون كويس

اةة نسيت اقول لكم انة بيتكلم عن احنا اخذنا اية من الغرب و هما اخذوا اية

"مصطفي فتحي " مدير التحرير و احنا في الاجتماع قال لي لما قلت لة هما اخذوا اية مننا قال لي هما مأخذوش منا ولا حاجة احنا اللي بناخذ كل حاجة رديت علية في المقالة و يارب تكون خفيفة عليكم

اليكم المقال الكامل

اساس الواحد مننا هو قديمة و نحن قديم امريكا . عارفين قصة" احنا كنا زمان اية و دلوقتي اية ؟!"
مش هاتكلم عنها لانها قصة سخيفة. لكن حاقول اخذنا اية منهم؟ و اخذوا منا اية؟ و اية الفرق من مجتمعنا و مجتمعهم.
جميعا نعرف ما اخذناة "الشكل فقط " بلا مضمون لان المضمون سلب مننا.

كان كل اهتمامنا هو تعلم لغة الاخرين و لغتنا "لا دي مش حضارية" و اقصد بلغتنا اللغة الهيروغليفية‏
لان الغرب تعلموها احسن مننا و طبعا تعلموها سلبا من اوراق البردي التي سلبت مع اكتشاف اي مقبرة جديدة
و الاكتشافات التي نسبوها الي انفسهم "الطائرة و السيارة " و هذا ما اثبتة أ/بسام الشماع الباحث في الاثار المصرية و كان هذا في ساقية الصاوي.

قواعد اساسية عندنا نسمعها منهم و لكن باسامي آخرة و لأول مرة" الاتيكيت " يخدم الدين
نسمع انة ليس مستحب ان الرجال تصافح النساء في الدين الاسلامي و دة في "الاتيكيت" يسمي ان السيدات هي التي تبدا بالسلام اولا و ليس الرجال ودة من ذوق "الاتيكيت"

الافلام التي تتكلم دأما عن الحروب نحن أول ما ادخلنا بها الجانب الانساني يوجد جمل حوارية كانت تتكلم عن فقدان زميل من الحروب و الاشتياق الي جو العائلة
هذة الجمل و الجوانب الانسانية كانت ليس لديهم اصبحت تقال في افلامهم
ليس في استطاعي ان اقول "اخذوها" منا و لكن ايضا من الصعب ان اقول انة "توارد افكار".
و لكن يوجد جهل بسيط في الشعبين حتي الان يقال عن و لاية "شيكاجو" انها مدينة المسداسات و هذا جهل مننا
اما مصر يقال عنها بلاد الجمال و الصحراء و هذا ان دل علي شئ فا يدل علي عدم توصيل ثقافة الشعبين من خلال بعضها البعض.

الحليات و الكراسي الفرعونية تقلد في الخارج و هذا ما قالة د. صلاح عناني في برنامج وسط البلد و تقلد من خلال الصور الفرعونية التي تباع في البازارات

و اول من بدا التدوين هم العرب في الكتب السماوية و الفراعنة علي الحوائط ثم تطورت طريقة التدوين حتي اصبحت اسمها database و هي لغة البيانات التي تدون علي جهاز الكومبيوتر.

هذة هي النقطة الوحيدة التي التقينا فيها مع بعض و هي "الحجج السياسية"
من احرق مسرح بني سويف اصبح "مختل عقلي"
من طلب العمل في اسرائيل اتضح انة "مختل عقلي"
حتي الكوري صاحب مجزرة جامعة فيرجينيا بعد التحاليل "مختل عقلي".
حتي القوانين متشابهين
يوجد اعتراف من السيدة "كاترين بورتر" رئيس المجلس الرئاسي لحقوق الانسان في واشنطن بأن يوجد قوانين امريكية سيئة مثل "باتريوت آكت"او الادلة السرية و هو الذي نفذ بعد احداث 11 سبتمبر و هو يتم بموجبة تقديم اي فرد للمحاكمة عبر شهود غير معلنين بزعم حماية الشهود و دة في امريكا
اما مصر "قانون الطوارئ "

ملحوظة

الصورة اخذتها من اول بلوجز شوفتة في حياتي و هو لمها حمدي

و دة الينك بتاعها

http://visualdialogs.blogspot.com/

سؤال؟؟؟؟؟؟؟؟؟؟؟

dady & mamy دأما كل الفنانين او معظمهم يا عني يطلع في البرامج و يقول
بيقولولي دأما لازم اكون كويس و يقعد كل شوية يتكلم بالعربي و يجي علي بابا و ماما لسانة يتقلب
unkle و ياسلام عندما يكون ابن الفنان دة موجود في البرنامج تلاقية بيقول
السؤال بقة ؟؟؟؟؟؟
unkle او dady و mamy يا تري المسؤلين او الرؤساء او ابناهم بردة بيقولوا
يا عني مثلا جمال مبارك بيقول
unkle صفوت الشريف
dady او mamy او احمد نظيف بيقول مثلا لعلاء ازي
هو دة ا لسؤال يا رب يكون خفيف عليكم و علينا؟؟؟؟؟؟؟؟؟؟؟
شكرااااااااااااااااااااااااااااااا

!!! الرقابة و الرشاوي

كان الاستاذ خان اتكلم قبل كدة عن الموضوع دة بس بطريقة آخرة دة لينك الموضوع

http://klephty.blogspot.com/2007/05/blog-post_31.html

الاستاذ خان كان بيقول ان الفيلم بيروح للرقابة و اول ما المسؤلين بيعرفوا انة فيلم عربي يتهافتون لانة طبعا فيلم جديد و عربي فا يقعدوا في غرفة مظلمة و يتم مشاهدة الفيلم و مع كل ملاحظة واحد يفتح الاباجورا اللي جنبوا و يكتب الملاحظة بتاعتة "كل دة كلام جميل" بس المراقبين مش فنانين و مش عارفين اية اللي يصلح لدرامة الفيلم و اية الغير صالح للدرامة "لا " دول عاملين زي الجزارين اقطع يابني المشهد دة و كمان المشهد دة و طبعا العامل بيسال المشاهد دي هاتروح فين يقولة يا عم خليها لينا زي فيلم "السلم و الثعبان" بعد ما يتفرجوا علي المشهد مليون مرة و يفرحوا يلا بقة اقطع يابني علي فكرة المشاهد مش لازم تكون مشاهد اباحية او كلام خارج او حتي كلام في السياسة لا دة ممكن في ابسط حاجة يكون المراقب بيقراء الكف و يقولك المشهد دة طويل شوية اقطع يابني و ممكن المشهد دة يكون "مستر سين" ياعني اهم مشهد في السينما و اللي بيكمل درامة الفيلم للمشاهد

السؤال دلوقتي يا تري الرقابة و صلت لها الرشاوي ؟؟؟؟

بنت الجيران

يا بنت الجيران فينك من زمان

نفسي ابتسم بسمة المكسوف

بعد ما ارسمك علي الكفوف

و لساني يتلجم و معارفش ابوح

و الكلام يقولي طلعني خليني افوح

يا خسارة المباني الجديدة

اللي بتمنع بنت الجيران تطل علينة

عماير بعيدة عن بعضها

بتفصلها عواميد كهربا

اللي نور مش واصلها

يا بنت الجيران فينك من زمااااان

و كالعادة الصورة من موقع

http://www.wellandbrothers.com/

!!! تتر معلق

من كام يوم كدة كنت بتفرج علي فيلم "هامليت" بطولة "ميل جيبسون" بس مش هو دة الموضوع بعد ما اتفرجت علي الفيلم دخلت علي "النيت" و بحثت اكثر عن "شيكسبير " و لقيت موضوع بقلم "شيكسبير" عن هامليت اسمة "فكار جنونية فى دفتر هاملت" فا قررت انا ايضا اكتب افكار لكن ليس جنونية هي تميل "لاحاسيس" كنت ارغب بها من الطرف الاخر ليا اخت ليس شقيقة ساهمت في تربيتي من اول ولادتي لغاية و انا عندي ثلاث سنين و تركت المنزل هي و أبي و استقريت مع أمي لوحدنا في المنزل المهم بعد احدي عشر سنة زي "السيما" لقيتها اتصلت و قالت لي انا اختك طبعا السنين اللي فاتت دي كلها كنت بسال عليها و امي كانت دأما تحكيلي عليها "كل الخير و الله" المهم بعد كل السنين دي شوفنا بعض بس المقابلة كانت عادية جدا و عرفتني علي اخواتها اللي هما مش شقايقي المهم انا كنت داما احسب نفسي داخل شاشا و في اي وقت حاينزل عليا "التيتر" بس للاسف التيتر معلق اةة اية عمركم ما سميعتوا عن "التيتر المعلق" دة غير "الكبري المعلق" اكيد انا مش بستظرف دي الحقيقة التيتر هاينزل في يوم القيامة يوم الحساب "ربنا يكرم" كنت فاكر ان حايحتفل بي مثل مشهد في فيلم "عودة الابن الضال" شوفتوا الاحتفال و المشهد كان استعراضي جميل و بقة كنت متخيل ان مع اول حضن ليا مع اختي ها تلعب آلة العود أو الناي او القانون اةةة و هاتكون الحياة جميلة و تعرفني علي اي حد يعدي من جنبنا تقولة شوفوا دة اخويا المهم انا مش عارف لية انا كتبت الموضوع دة يمكن ع شان عايز اوصل لحاجة وهي زي ما قلت قبل كدة انا حاسس اني داخل شاشة و لما كنت في سنة ثاثلة اعدادي كان بيتعرض مسلسل اسمة " المحاربون" تاليف و اخراج "د.عصام الشماع" و بطولة طبعا "خالد الصاوي - محمود عبدالله - جيهان فاضل و آخرون" كنت شايف مجموعة شباب دأما بيرفض كلمة تنازلات عن احلامهم كنت فاكر ان دة في المسلسلات و بس و دأما بحلم اني اصاحب ناس زي دول و ارجع و اقول لنفسي ... هما فين دول لغاية ما بدأت في مشوار الكتابة عموما و بدأت امسك قلم و ورقة و اكتب افكاري المهم عرفت ان في مجلة اسمها "كلمتنا" يا عني بعد ثلاث سنين من الجري وراء هذا الحلم بان اكون من ضمن اعضاء التحرير و اخيرا اصبحت واحد منهم بس اثناء هذة المحاولات كنت عرفت مجلة اسمها "نحلم" و هي مجلة الكترونية و اللي قال لي عليها "رنا تيسير بدوي" و بدأت اكتب فيها تقريبا حوالي خمس شهور و من غير ما اعرف او اقابل اي احد من مؤسسين هذا الحلم و اخيرا حصلت مشاكل في المجلة و هي اللي جعلت الاعين تري اعضاء هذا الحلم هاقول لكم عن الظروف اللي وجهوها ع شان انتم نفسكم هاتقولوا دول فعلا "رافضين كلمة تنازلات" "صبري سراج -ماجد ابراهيم - مني زينهم- اية علا الدين - محمد تهامي - حسين هاشم - احمد ظريف" و اكيد في شباب كثيرة قوي لكن للاسف العبد الله متعرفش لسة عليهم جميع هؤلاء الشباب كانوا ايضا في مشوار البحث عن مكان يزرعوا فية حلمهم بدون تنازلات المكان اسمة "جريدة شباب مصر " لصاحبها و المتحكم الاوحد لخيراتها "احمد عبد الهادي" الاقرع النزهي "علي فكرة دي مش شتيمة فية دة وصف لة ليس الا" المهم الشباب دي كلها بتكتب في مجلة نحلم اسسوها بعد الخبرة التي اكتسبوها مع "عبد الهادي" وعيرفوا يعملوا اية و ميعملوش اية اجتماعتنا بتكون في "المركز الابداع الثقافي" في الاوبرا و بكون معاهم و بسمعهم و هما بيتكلموا و في نفس الوقت قلت لنفسي اخيرا اتعرفت علي شباب بيرفض التنازلات

صبري سراج: رئيس تحرير نحلم و نفسة يكون مذيع و الحلم دة كان معاة من ايام المدرسة و "النشرة المدرسية في طبور الصباح " و المدرس الذي كان ياخذ مجهودة و هو الذي يذيع النشرة مكان صبري و يتمني بان مجلة نحلم تصبح اهم مجلة الكترونية و تبني فكرة تهامي في تربية المجلة من افكارة و علي فكرة اهم ناقد في رائيي و داما بستفيد منة

ماجد ابراهيم: بدات موهبة الكتابة عندة مع حصص التعبير في اللغة العربية و المدرسين كانوا يعطوة درجات قليلة ع شان كان بيكتب الحقيقة في مواضيعة و رفض التنازل عن حقة الا بمذاجة و بدا يكتب في التفاهات ع شان الدرجات العليا لكن مواضيعة الانشائية كانت لا تخلي عن الحقيقة و هو دلوقتي بيكتب في الدستور

منة زينهم : صاحبة اول تقرير صحفي عن اولاد الشوارع في مجلة كلمتنا بينت بميت راجل بتحب الصحافة بجد اللي يشوفها و هي بتتكلم يقول الدنيا لسة بخير سمعت ل عبد الهادي و احلامة الفاضية لكن اتعلمت و بقت فاهمة كل الاعيب الصحافة
اية علاء الدين : صحفية موهوبة جدا و دة هاتشوفوة في مدوناتها

http://ayoyart2u.blogspot.com/

محمد التهامي:هو صاحب اسم نحلم و هو بيحب السيما و بيكتب سيناريوهات و لة فيلم في قناة العربية اسمة "في كل بيت " من كثر حبة في الصحافة عمل ثلاث مدونات و داما كانت بتقفل من الجهات المختصة لكن هو لا يمل و اتمان صبري علي حلمة

حسين هاشم: هو ايضا اصبح من اعضاء تحرير كلمتنا و كان علية شوية مواضيع في موقع ايجي فيلم تحفة كل حرف فيها بيقول "لا للتنازلات"و هو بيفهم في كل حاجة "محاماة - كومبيوتر - صحافة" و ماخافيا كان اعظم

احمد ظريف: واحد بيحب الصحافة بجد و هو اللي جعلني احكم عليهم بانهم شباب زي اللي في مسلسل "المحاربون" و كلامة عن الصحافة البايظة و هو ايضا من ضمن تدميرات "شباب مصر" لكن بعدها اصبح اقوي و عارف يلاقي حقة ازاي

يمكن كلامي عنهم مش كتير بس دة لاني لسة معرفتهمش اكثر بس هما رمز لكلمة "لا" و هما اللي جعلوني اقول لسة في تجمعات شباب علي القهاوي و الكلام عن كل حاجة و في اي حاجة و اللي عرفني علي القهاوي و القعدة فيها "احمد عادل - عمرو عادل - عمر الصواف - احمد علي " و هما اللي وصلوني لكل قهاوي مصر لغاية ما وصلت لجماعة الصحافة و الشباب اللي اصحاب كلمة "لا" شوفتوا بقة مافيش حاجة بتيجي لوحدها كلة بيوصل لكلة و اللي هايثبت كدة "شريف البنداري" اول واحد يقراء لي قصة قصيرة و زي ما انتم شايفين الغة عندي تعبانة شوية قال لي اقراء كثير انت افكارك حلوة بس مقالش كدة و سابني لا قال لي اقراء لمين كمان "صنع الله ابراهيم" و فعلا قراءة لة معظم كتباتة و هو اللي جعلني اعرف اتكلم مع اهم شباب من وجهة نظري هم شباب اصحاب كلمة "لا" و هم قبل ما يعرافوني كانوا اتعهدوا علي نفسهم انهم ميسيبوش بعض ابدا ... انا بطلب منهم الطلب دة ممكن اضم اديا في اديكم ... اةةةة شوفتوا بقة نسيت اللي داما بيحلي القعدة الجميلة "مودي" مغني الشلة و واد جدع جدا جدا و علي فكرة ادعو لة ع شان هو بقة في فرقة "ام كلثوم" في الاوبرا و لحن كلام العبد الله كان كاتبة هاتسمعوة قريب في المشربية بس خلاص كدة و علي فكرة الموضوع دة لن يقفل مع كل حاجة جديدة حاضيفها علية

خليكوا معايا

فاكرين مشهد في" فيلم صلاح الدين" لما" احمد مظهر" راح "لحمدي غيث اللي هو" ريتشارد قلب الاسد" ع شان يعالجة كانت ايام جميلة و فراسة من صلاح الدين الايوبي الغريبة ان مافيش حد من انصار صلاح الدين قال "الخائن - العميل - ابن الفلان - " و الكلام اللي احنا عرفينة اليومين دول

تفتكروا لو حصل حاجة زي دي دلوقتي ممكن اية اللي يحصل !!!!!؟؟؟؟؟

من غير ماحد يفكر هي معروفة يا اما حايعتقل او حايغتال او يتقال علية دة مريض نفسي!! و يجيبوا دكتور ياخذ اللي فية النصيب و يقول دة كان بيتعالج عندي من كام سنة "مش دة حال الدنيا "

تعالوا معايا

لو "عباس" رئيس فلسطين بعد الشر حصل لة حاجة و جاء لزيارتة اللي مايتسماش " اولميرت" تفتكروا اية الحوار اللي ممكن يدور بينهم

اولمرت: يا حبيبي يا عباس الف سلامة عليك

عباس:الله يسلمك يا سيدي الف شكر

اولمرت: بقولك اية انت خلاص بقة كبيرت و عايز اللي يخدمك

عباس :ايوة عايز اية يا عني؟؟

اولمرت: انت خلاص مش قد فلسطين سيبها لينا و احنا هانوضبها

عباس :صح و مالة علي راي عمرو دياب

اولمرت: لية كدة يا حبيبي دة احنا خايفين عليك

عباس : و دة مين اللي قايلها

اولمرت :ياةة يا حبيبي والله هاتوحشني المناكفة معاك

مش ممكن تحصل حاجة زي دي ؟؟؟!!!! نفترض العكس

اولمرت اللي عيان

عباس : ياةة شوفت بقة دي دعوات العرب ما تخلع بقة

اولمرت : لية كدة يا حبيبي دة احنا هانضبط البلد

عباس : اة دة لما تشوف حلمة ودنك هو احنا هانسيبهالكم

اولمرت : احنا معندناش و دان

عباس : اة فاتيتني دي

اولمرت : لالا فوق كدة كنا سميعناكوا من زمان يا حبيبي

انتم عارفين اية الجميل في الحوار دة ان الاتنين اصرح من الصراحة بس ممكن فعلا يكون فية بلاهة اكثر من كدة ياعني ممكن تكون الامور وصلت لمرحلة التعود علي الحال اللي موجود ممكن فعلا اولمرت يشتاق للحروب مع عباس و عباس يكون بالفكاهة دي مع اولمرت

عايز اعرف رايكم ؟؟؟؟

اعتقال!!!!!

كنت قاعد كدة مع نفسي و فكرت لو تم اعتقالي ...

معلش استحملوني

يا عم حايسيبوا الناس كلها و يعتقلوك انت ؟؟؟!!

يا سيدي انا بفترض و كمان انت ناسي ما هي الحكومة بتيجي عند القرد و تشم...؟؟ خلي الطابق مستور ..

المهم و انا بفكر قلت لنفسي يا نهار ابيض دة انا مش هاعرف اغلب اي حد فيهم بس عارف لما فكرت كدة شوية قدرت اقاوم بحاجة ...

اية هي يا سيدي؟؟

الرشوة مش هايعرفوا يرشوني ...

و هما هايرشوك باية يا خويا؟؟؟

حاجات كثيرة بس الحمد الله انا مش بحبها ...

كلنا مش بنحبها اية انت هاتخليني اشوك فيك؟؟!!...

يلا افهم انا اقصد "الشاي مبحبش الشاي - القهوة مبشربش قهوة - اليمون الحمد الله بطلتة - السجاير مش بشرب سجاير " ...

و هي دي رشاوي يا هبل

ايوة يا عم انت مشوفتش "احنا بتوع الاوتوبيس - الكرنك" دي امثلة و الحجات دي ع شان يخلوك تتكلم فا يعملوا نفسهم بيعملوك كويس و دة ع شان تتكلم

و انت بقة هاتتكلم عن اية يا خويا ؟

هاتكلم عن كل حاجة و اي حاجة .. الضابط اللي عندنا في العمارة اللي واخد اكثر من مكان في ركنة العربيات

بلاش دة

لما تتعامل في بلدك معاملة زي الهباب و المعاملة الجيدة يتعامل بيها الخواجة

بلاش

ممكن نتكلم هما لية حاربوا ع شان يخلوا البلد جمهورية و في الباطن بيستخدموا النظام الملكي او التوريث ياعني ...

اية يا رايس انا هافضل اتكلم و انت هاتفضل ساكت كدة ما تتكلم قول حاجة....!!!يا قرد

محاكمة!!!

انت عايز تكون مخرج لية؟؟؟

السؤال دة قعدت احضر لة اجابة من ثلاث سنين و لغاية دلوقتي مش عارف استقر علي اجابة في الاول قلت لنفسي جايز ع شان "اكشن" بعد كدة قلت لنفسي لا قدمها تقيل ...طيب ع شان "ستوووب" قلت هي دي اجابة دي !!

عقلي الباطن اتكلم و قال لي انت مستقل الاجابة دي... دي معناها كبير قوي و معناها انك عايز تكون متحكم تقول للدنيا اتحركي"اكشن" و لما ماتعجبكش حاجة او المصيبة هاتلمسك تقول "ستوووب" دي اجابة مش قليلة علي فكرة دي توديك حبل المشنقة

قعدت افكر تاني قلت جايز ع شان "الكرين" قلت يا عني هو دة سبب يخليني ادرس اخراج

رد عليا تاني عقلي الباطن و قال "اةةة يا خبيث انت عايز تقعد علي الكرين ع شان تشوف الدنيا من فوق و تحكم الناس من بعيد لبعيد "

سكت شوية معرفتش ارد علية قلت لنفسي اقعد كدة يا واد و رايح نفسك و واحدة واحدة ركز لقيت

صوت ضخم قوي بيقولي "خلص يا روح امك انت قدام لجنة مش في بيتكم يا عني خلص الاجابة علي طول" كنت ناسي فعلا اني قدام لجنة و الاجابة لازم تكون سريعة بس مقدرتش قومت لنفسي محامي ع شان يقول الاجابة نيابة عني لقيتة هايخرف في الكلام و لسة هاماشية لقيت

واحد من الجنة قال لة ما هو قال الاجابة دي قبل كدة ..... روحت قاطعتهم

وقلت استني شوية انا متكلمتش دة عقلي الباطن هو اللي بيتكلم

رد واحد من الجنة و قال "ياعني نيتك يا خفيف هي اللي اتكلمت "

المحامي بص لي و قال فعلا دي نيتك

قلت و انا باصص علي الجنة انا زعلان من الناس و عايز اطلع زعلي دة في خطوات سليمة انا اللي باديرها من خلال دماغي

قال لي واحد من الجنة يا عني عايز تمشي الناس علي مزاجك

قال المحامي:لا لا هو بيقول في السينما

واحد من الجنة : ما هي الحياة سينما و انا واحد من الناس اللي عايز اكيد يحركهم علي كيفة في السيما

المحامي: دة اكيد و انا كمان واحد اكيد عايز يغير حركاتة

قلت : انا حولت اكون صريح معاكم انا غيرت القسم اللي عايز ادرسة انا هادرس مونتاج

واحد من الجنة : حلو قوي ع شان تشيلنا اول ناس بعد ما تتخرج

المحامي: لية كل حاجة انتم لية ما هو هيشيل الفساد بس .. هو انتم فساد؟!!!

فضلوا نظرهم عليا و انا انظر لهم و لقيت

المحامي قرب مني و قال "انت تقصد مين ؟؟؟؟

الجنة : قررت الجنة بعد هذة المحاكة انك مرفوض في اي قسم من اقسام المعهد لانك سوف تستخدم اي قسم لحساب تهيأتك الشخصية و هذا ممكن يتعارض مع قوانين الدولة!!!!!!

دة مش تشاؤم !!

ايوة دة مش تشاؤم دة واقع زمان من كام سنة كدة كان الفلاح بيقول علي "الطين" هي ارضة اللي "بياكل منها - و اللي بينام فيها - واللي بيدافع عنها" بس في حاجة الفلاح دة لية قرايب و القرايب دول ليهم تسمية و هي" الورثة " بس في ورثة يقدموا تنازل عن حقهم و يتركوا اراضيهم و يذهبوا الي المدينة و الحضارة من وجهة نظرهم بس بعد موت الفلاح بيطلبوا حقهم اللي تنازلوا عنة "بس خلاص علي مين؟؟" في ولاد عم و ولاد خال و بيحدث رفع قضايا علي بعضهم البعض و "بلاوي" بس في الاخر مافيش اراضي بترجع و اللي بيقراء يسال "امة او ابوة او اي حد من قرايبة" حايلاقي انة اتسلب منة جزء من حقة و المصيبة اننا قرايب و نفس الدين و نفس البلد و نفس الدم . بعد كل الكلام اللي فوق دة عيزين فلسطين او العراق ترجع و المصيبة ان سارق الارض دي مش نفس الدين او نفس البلد فا مستحيل ان البلاد دي ترجع لاصحابها ببساطة الاقارب مش بيراجعوا حقوق بعضهم لبعض فا عيزين الصهاينة يرجعوا حق العرب ؟؟؟؟؟؟؟؟

سؤال و اجابتة

موضوع قديم قوي كان من المفترض انة يكون اول موضوع في البلوجز و هي التقديمة بس للاسف معرفتش اتكلم عن اية؟؟؟!
بس كان في سؤال اتسألتة و هو ياعني اية" بلوجز" ؟
ماعرفش اية اللي خلاني اجاوب الاجابة دي بجد فعلا قلت لة دي يا سيدي لما بتكون عايز توصل كلمتك و مابتعرفش الا بقيود معينة من جهات مختلفة فا بتكتب في البلوجز دة ... قالها لي و هو "مبلم" قلت لة باختصار لازم يكون عندك اصرار ماينفعش تستسلم ..." تنح" اكثر و قال لي مش فاهم قلت لة تعرف الناس اللي بتتسجن ع شان حاجة اسمها مدونات .. قال ايوة ايوة يا عم ابعد عنهم دي ناس ما تعرفش ربنا فكرني بفيلم" البداية" اخراج صلاح ابو سيف و بطولة احمد ذكي و جميل راتب و يسرا و حمدي غيث لما جميل راتب قال لهم ابعدوا عنة دة ديموقراطي علي احمد ذكي ياعني !!
المهم قلت لة يا بني دي مش عيب ولا خطيئة دة انت بتقول كلمتك و بكل حرية .... قال لي ياعني مش حانتسجن قلت لة لا طبعا سجن اية و كلام فارغ اية احنا حانعتقل ... قال لي و دة اسهل من السجن قلت لة ايوة طبعا انت بعد السجن ماصيرك مش ماعروف لكن في المعتقل معروف "الي الرفيق الاعلي" قال ياعني شهيد قلت لة اسم الله عليك و علي الاقل في الاول حاتكون في "مدادية" قال لي يا عني اية؟ قلت لة تعرف محمد تهامي؟ قال لا .... قلت لة دة واحد كتب مدونة و اتقفلت و بعد كدة عمل واحدة تانية و اتقفلت و بعد كدة و احدة ثالثة و ... قال لي و اتقفلت قلت لا لسة شغالة
قال لي اة هي دي" المدادية "قلت جايز قال لي ياعني اية جايز؟
قلت لة تعرف مصطفي فتحي؟ قال لا .. قلت لة دة واحد كان عامل مجلة اسمها شباب شو اتقفلت ع شان كان بيسال الرايس سؤال و ماتجوبش علية فا اتقفلت المجلة و بعد كدة عمل مدونة اسمها شاب مسلم اتقفلت ع شان دافع عن رائية بس راجعها تاني بس غير اسمها و خلاها شباب شو.... قال اة بس ممكن مثال تاني قلت لة تعرف واحد اسمة صبري سراج قال لا .. قلت لة دة واحد عمل مجلة اسمها نحلم بس دي ماتقفلتش دي اتصادر عليها راح عمل مدونة و سماها زي صمت البحر صمتي .. قال لي دة قرر يسكت من اولها ... قلت لة ياعني انت هاتتكلم قال لي ياعم انا مالي!!!!!!!!

قلت لة المهم المدونات دي بتكون بعد طلع عين الواحد فينا لتوصيل كلمتة للناس من غير خوف ولا اي حاجة ..باصص لي و هو مستغرب!!! قلت لة يلا بقة نمشي من هنا !!!!!!!!!!!!!!!

فوازير

واحدة و حكموها اتنين اصحاب

و من قلة خيبرتهم خلوها خراب

و ناس كانوا عشمانين فيهم

باعوا لهم الحلم من غير تفاهم

و انضحك عليهم زي الاتنين اللي شرافوها

و هما ميش عارفين حاجة عن ابوها

و بعد كل دة حاطين اديهم في ادينا

لا بقة دة احنا نستاهل ينضحك علينا

هي مين دي بقة؟

ملحوظة :

اللي مايعرفنيش ...دي مش امي!

و اللي يعرفني ... دي مش مجلة نحلم

أول حوار للعبد الله في كلمتنا مع شريف البنداري

السلام عليكم لجميع القراء دة أول حوار ليا يتنشر في مجلة كلمتنا بعد 3 سنين من الجري وراء كلمتنا و الحوار دة مع المخرج شريف البنداري اللي حاتكلم عنة بعد كدة و ازاي اتعرفت علية



اليكم الحوار الكامل من خان الخليلي



ولد في القاهرة عام 1978، تخرج من كلية الفنون التطبيقية عام 2001، وعمل مهندس نسيج ،شارك في العديد من الأعمال المسرحية في المسرح الجامعي بالإضافة إلى مشاركته في بعض المعارض الجماعي، إلتحق بالمعهد العالي للسينما ليدرس في قسم الإخراج عام .2002

أخرج أفلاما قصيرة ضمن مشاريع معهد السينما وفيلما للمركز القومي للسينما

شارك بالفيلم التسجيلي ( 6 بنات ) بمهرجان الفجيك لأفلام الطلبة بموسكو ومهرجان دبي السينيمائي الدولي 2005

- مهرجان معهد جوته لأفلام الطلبة 2006

حاز فيلمه" صباح الفل " على جائزة لجنة التحكيم بالمهرجان القومي للسينما مصر 2006 و جائزة معهد جوته لأفضل فيلم تسجيلي 2006 عن فيلم ( 6 بنات )

و تم اختيارة في مهرجان برلين 2007 من ضمن المخرجين الشباب ليتم مناقشة افلامة و عرضها و هم

الفيلم الروائي "صباح الفل" و الفيلم التسجيلي " 6 بنات".

هو المخرج الشاب : شريف البنداري



1: كيف اقنعت "هند صبري" بالعمل في فيلم صباح الفل؟

الموضوع مافيهوش اقناع كل الحكاية اني عرفت ان "هند" معندهاش مانع انها تمثل في افلام قصيرة
و السيناريو كان عندي و عارضتة عليها و عجبتها الفكرة و الفيلم ماخوذ عن مسرحية للكاتب الإيطالي الشهير داريوفو‏.

2هل يمكنك الرفض بقيام مساعد في فبلم طويل بسبب موضوع الفيلم؟

لا طبعا عادي جدا لان ببساطة فنيا لا ينسب لي العمل

3:في رأيك لرفع شان الافلام الروائية القصيرة ان يوجد بها نجوم من الافلام الطويلة ؟

اكيد طبعا و مش كدة و بس ان الناس ايضا تهتم و تعرف الفرق بين الافلام القصيرة و التسجيلية

4: ما هو الفرق يا شريف؟

باختصار
الفيلم التسجيلي: لة اشكال و انواع متعددة و قد يكون قائم علي فكرة او عن مكان او عن شخص ولا يعتمد علي ممثلين و موضوعة ماخوذ من الواقع

الفيلم الروائي: عالم مفترض من قبل خيال كاتب السيناريو... هذا الفرق بين نوعين ببساطة شديدة و لكن بشكل اكاديمي و هناك فروق اخرة حيث ان المساحة بين النوعين الروائي و التسجيلي شديدة المورونة و المطاطية فقد يتجسد النوعين بنفس القوة في فيلم واحد مثال "الطريق الي جونتناموا" الحائز علي "الدب الذهبي" في برلين 2006

5: هل الفيلم القصير يكون افضل كل ما مدتة كانت قصيرة ؟
الموضوع مش موضوع اصعب في حاجة اسمها الزمن الانسب او المثالي لطرح موضوع الفيلم فية و عموما كل ما يقصر الفيلم بيكون اصعب شوية هو بيكون اصعب لانك بتحاول توصيل فكرة في وقت قصير جدا و هو بيكون مفيد للفيلم احينا

6:هل الاخراج يحتاج موهبة قبل الدراسة؟
طبعا لان يوجد شك ان الاخراج يحتاج موهبة كما لا يوجد شك ان الدراسة مهمة جدا .


الفرق بين الموهبة و الدراسة في الاخراج؟
في حاجة اسمها شق تعليمي و شق اكاديمي الموضوع ببساطة عندما تتعلم الحروف الابجدية في حد حايستغل الحروف في "الزم" و في حد اخر سوف يستخدمها في "المدح" فا تعليم الاخراج لازم لكي نستخدم هذة الموهبة

7:الفرق بين التعليم الحر و التعليم في المعهد؟
هي الدراسة الحرة لها عيوب و مزايا و المعهد لة عيوب و مزايا لكن الافلام الناتجة عن مخرجين المعهد و الناتجة عن الدراسة الحرة يوجد اختلاف في الروح و اللغة السنيمائية

8: هل استفدت من المخرجين الذي عملت معهم مساعد؟

اكيد طبعا بس في حاجة مهمة استفدتها اكثر و هي " خبرة ال location وهي كيفية التعامل مع الcast وال
Crew و يوجد امتحانات بتعدي كل يوم علي المخرج مثلا لو في يوم تم عمل معاينة علي مكان و جاء و قت التصوير و المكان في حاجة اتغيرت كيف يجب ان اتصرف ؟ و دة شكل من اشكال خبرة ال location

9:شريف تفضل بان يوجد لك طريقة معينة لاخراج افلامك الناس تعرفك بيها؟

سؤال صعب قوي بس دي حاجة مش مقصودة عايز اقولك ان انا مش مخطط ازاي يكون ليا طريقة في الاخراج الناس تعرفني منها
بس اللي بحاول اعملة ان روحي هي اللي تاثر علي الفيلم مش الفيلم هو اللي ياثر عليا و الامثلة كثيرة زي الاستاذ" محمد خان" و الاستاذ"داود عبد السيد"ممكن نعرف ان دي افلامهم من غير ما نشوف اسمائهم لان روحهم واضحة في الفيلم

10: يوجد رائي بان امتحانات المعهد كثيرة علي الالتحاق بالمعهد؟

دي محاولة من ادارة المعهد للوصول الي افضل العناصر الاكثر موهبة للالتحاق بالمعهد و علي فكرة ما فيش امتحان في الدنيا يقدر يحدد موهبة أي انسان لانة بيكون محدد بعدة عناصر مثل الزمن و هو الامر الذي يضغط علي خيال الطالب حتي لو كان موهوب

11: هل مهرجان دبي 2006كان لا يوجد منة اهتمام بالافلام المصرية؟



اذا كنت تتكلم عن الجوائز فا دي حاجة طبيعية و الافلام اللي كسبت كلها افلام حلوة و من قبل ذوق اللجنة و هي التي تستحق الجوائز و هي فعلا افلام
جبدة بس اللي انا مستغرب لة عدم وجود أي عضو لجنة تحكيم مصري في لجنة تحكبم الافلام التسجيلية و القصيرة


12: ما هي اخر مشاريعك يا شريف؟

انا دلوقتي بحضر لمشروع التخرج و هو فيلم روائي قصير اما خارج المعهد يوجد فيلم تسجيلي طويل يتكلم عن " الهجرة الغير مشروعة" لوزارة الثقافة لدعم السينما