إيه ياعني فيلم بسيط ؟!! المهم تكون بتعرف تحكي

من ساعتين كدة واحد صحبي أتصل بيا و لقيتة بيقولي ألحق و أنزل أشتري مجلة "جود نيوز" عشان فيها التحليل اللي أنت كتبتة عن فيلم
3-irone
طبعا ماصدقتش :) لان المجله مش هاتسيب الناس كلها الموهوبين و النقاد الحقيقيين و هاتنشر مجرد قراءة لمشاهد شاف فيلم و عجبة ... بس انا زي البشر قلت جايز برضة و خصوصا لاني بشتري اصلا "جود نيوز" كل شهر ... بس عدد الشهر الجديد لسة مانزلش !!!
بس و انا نازل قررت لما ارجع لازم اكتب الموضوع دة .

إيه ياعني فيلم بسيط ؟ العنوان يوحي باني هاتكلم عن الافلام البسيطة و انواعها .... بس انا مش هاعمل كدة ببساطة العبدالله اللي هو انا بعاني من شهر 4 اللي فات من سؤالين لازم بتسالهم بعد عرضي للناس السيناريو اللي كتبتة و هو فيلم قصير أسمة "الاثنين كل يوم " و هو جزء ثاني من فيلم قصير برضة و أسمة "الاثنين كل خميس" طبعا ولا دة اتعمل و دة اتعمل و كل دة بسبب السؤالين و ما ...
أنت عايز إية ؟ - و بتعمله لية ؟

طبعا سؤالين مهمين جدا فعلا و كان ديما جوابي اني بعملهم عشان تدريب علي دراستي الحرة للسينما و بجرب اللي وصلتله في الافلام دي
أكيد دي اجابة ماتريحش الناس فا الاقيهم بيفجأوني بسؤال ثالث هو انت مستعجل علية ؟ طبعا بفهم علي طول ان خلاص كدة الممثل او الممثله مش موفقين عادي جدا اخذت علي كدة !!! طبعا المدة دي كلها انا مش بدور علي ممثلين بس لا دة كمان مدير تصوير و طبعا الاساله بتختلف

إحنا اشتغلنا مع بعض قبل كدة ؟ "لآ" - هو دة أول شغل ليك ؟ "أيوة" فكرني بالمثل اللي بيقول
البيضة ولا الفرخة ما اكيد دة اول حاجة ليا يبقي ماشتغلتش معاك قبل كدة !!! طبعا بعد القراءة يقولي بس دة فيلم بسيط قوي و هاتتشتم لو عملتة و ماحدش هايعبرك

طبعا محسوبكم في الحكاية دي من شهر اربعة اللي فات بعد ما كتبت السيناريو الجزئين دلوقتي احنا لما بنشوف افلام زي مثلا
الكيت كات ايه اللي بنستفيدة غير اننا بنشوف مشاعر حقيقية و حكي حكاية تحفة و بيطلق علي فيلم الكيت كات فيلم بسيط بس من كثر البساطة مليان عمق طبعا مش بشبه افلامي بيه بس بتكلم علي جمله دة فيلم بسيط !!

فية فيلم قصير لما شوفتة غيرت كل وجهة نظري و حسيت اني ماشي صح لان بيني و بينكم كدة حسيت ان الناس كلها صح و انا غلط اتاثرت بكلامهم بس بعد الفيلم دة حسيت اني صح جدا و دة الينك بتاعة هو اسمة
Signs -
Schweppes Short Film Festival و كان في مهرجان

دة الينك بتاعة http://www.youtube.com/watch?v=rPi8aJcUT_g
مستني رايكم فية طبعا
مثلا لما نيجي نتكلم عن فيلم memento
فيلم قصتة عدية جدا واحد مراتة بتموت و بيجيلوا فقدان ذاكرة لاي حاجة بتتقاله جديدة و بيدور علي اللي قتل مراتة بس اخراج و المونتاج و التمثيل و الحكي بتاعة عظيم خلاه من اهم الافلام و هو من اخراج كريستوفر نولان اللي اخرج
the darck night فيلم بتمان الاخير

مثلا فيلم
21 grame للالخاندروا جونزاليس
اللي اخرج فيلم بابيل بتاع براد بيت نفس الموضوع قصة عدية جدا بس الحكي مختلف تماما
مافيش اي مشاكل ان القصة تكون بسيطة بس ازاي تحكيها هي دي الفكرة و ادعولي معاكم و معلش بقي طولت عليكم

3-irone

دة عنوان لفيلم كوري تاليف و مونتاج و اخراج
Ki-duk Kim
و اهم الجوايز اللي حصل عليها الفيلم من مهرجان فنيسا
FIPRESCI Prize Competition: Ki-duk Kim
Little Golden Lion: Ki-duk Kim
SIGNIS Award - Honorable Mention: Ki-duk Kim
Special Director's Award: Ki-duk Kim

قرائتي للفيلم :-

الفيلم لما تتفرج علية أول مرة "هاتتغاظ " جدا جدا لكذا سبب الحقيقة
الاول : ان المخرج عندة الجرائة لتنفيذ فيلم زي دة
الثاني : موافقة الممثلين أو ابطال الفيلم علي اداء التجربة
الثالث : اختيارات الاماكن
الرابع : اتكلموا بقي ياعم انت دافع عن نفسك ... قولي طيب انت الحقيقة !!!!!
دي كانت انطبعاتي في أول مرة

ثاني مرة :-

فيلم متآمل في الحياه بشكل غير طبيعي الحكاية في بساطة شديدة أنة واحد بيوزع اعلانات علي الشقق و بيرجع بليل لنفس الشقق دي و اللي يلاقي الاعلان لسة موجود علي الشقة يعرف ان الشقة دي مافيهاش حد فا يدخل فيها عشان " ياكل و يشرب و يغسل ملابس و يصلح اي حاجة لو بايظة لصاحب البيت " طبعا من غير ما صاحب البيت يعرف

بس الفكرة بيصلح اية و لمين و هو عايز يوصلنا اية بعد كل دة الفيلم بيبدأ بظهور تمثال لمرأة و بيتحدف عليها كور "جولف" و دة بيعرفنا ان الشخصية دي لا تحترم المرأة و الراجل دة هو جوز البطلة اللي مش بتتكلم طول الفيلم
نوصل للبطل اللي برضة مابيتكلمش في الفيلم اللي هو موزع الاعلانات و هنا هو مش بيتكلم عشان هو اخرص ولا حاجة كل الموضوع "التامل"

البيت الاول

لزوج و زوجة و ابنهم الصغير الزوجة مش طايقة حياتها البطل دخل البيت و عادي جدا استحما و اكل و اتفرج علي التلفزيون كمان و شاف مسدس لعبة و بيحاول يلعب بية بس اكتشف انة بايظ صلحة و جربة لاقاه بيشتغل ... اليوم الثاني دخلوا اصحاب الشقة و الزوجة مش طايقة جوزها و الولد الصغير مسك المسدس و بيلعب بية علي انة بايظ الزوجة قالت لابنها : موتني خليني اخلص من العذاب دة
الولد ضرب المسدس الام صرخت !!!

البيت الثاني

بيت البطلة اللي برضة مش بتتكلم نفذ نفس الحكاية اللي في كل بيت بس المرة دي صلح "الميزان" اللي لية دلائل كثييير قوي عايز يقولها الفيلم "هل الحياه اللي احنا عايشنها دي حقيقة ولا خيال" البطلة اكتشفت وجود البطل و جوزها طبعا مش موجود بيحاول يتصل و "الانسر ماشين" بيتكلم و هما الاثنين بيسمعوا تهزيق الزوج للبطلة طبعا الزوج دة اللي مش بيحترم المرأة تماما
البطل شاف ان البطلة بتعيط و مضروبة في وشها فا اخذها معاه بس طبعا الزوج شافهم مع بعض فا البطل عمل اللي بيعملة الزوج مسك مضرب الجولف و بالكور و فين يوجعك

البيت الثالث

بيت مصور فوتوغرافي و المرة دي صلح ساعة لان الوقت مهم جدا بالنسبة للمصور بس المصور دة طلع مصور البطلة و اتضح انها "موديل"
في الصور اللي بتكون بتجسد جسم المرأة فا اخذت صورة من ضمن الصور و قطعتها و ركبتها بترتيب عشوائي و دة يدل علي انها جسمها لا يصلح للتصوير تاني "دة اللي فهمتة " من المشهد دة !!!

البيت الرابع

بيت ملاكم و المرة دي صلح "كاسيت" لان الملاكم بيشوف بس مابيسمعش و بيضرب علي طول و دة حصل لان المرة دي دخلوا اصحاب الشقة و شافوهم نايمين علي السرير و من غير تفاهم ضربة علي طول بعد ما اطمان ان مافيش حاجة اتسرقت من البيت

البيت الخامس

لاثنين متجوزين و عايشين حياه الصوفية و هنا هما اول مرة يتقربوا لبعض و دة كان تمهيد لمشهد تاني فية البطلة ماعرفتش تنام في بيتها فا راحت للبيت دة و نامت في نفس الكنبة اللي ناموا عليها قبل كدة


البيت السادس

كل البيوت اللي فاتت كانت بيوت ناس اغنية لكن المرة دي بيت في احياء فقيرة و دخلوا المرة دي علي بيت راجل عجوز بس كان ميت و هنا "اكرام الميت دفنة"
مش هظار دة المنطق اللي اتعامل بية بطل الفيلم و فعلا دفن الراجل لكن بدون مراسم طبيعية و لكن بطريقة رسمية طرق الدفن عندهم بقي !!


و هنا شافهم ابن الراجل العجوز و دخل السجن بتهمة انة قتل الراجل و بدأو في التحقيق و اكتشفوا انة غير مذنب و البطل كان مع كل بيت بيتصور مع الصور بتاعت اصحاب البيت اللي دخل فية و هنا القسم عشان يتاكد انة مش حرامي اتصل بالناس دي و ملاقاش اي حاجة مسروقة منهم و البطلة رجعت لجوزها و هو دخل السجن و جوة السجن علم نفسة الحركة بخفية لعدم ملاحظة الناس لة بممارسة " اليوجا" و هنا نعرف انة علم نفسة هو كل حاجة بالتامل سواء تصليح اجهزة او اي حاجة تانية


سبب عدم تكلم ابطال الفيلم يتلخص في ان الملايكة حوالينا بس احنا مش حاسين و دة بيتلخص في مشهد واحد و هو مشهد النهاية البطل و البطلة مع بعض فوق الميزان و الوزن "زيرو" و المشهد دة اتمهدلة بدخول البطل اول مرة دخول بيت البطلة بعد ما صلح الميزان وقف علية عشان يوزن نفسة و كان "65" و البطلة بعدية وزن نفسها "55" بس كدة

الحاجة اللي ملهاش اي تبرير و معرفتهاش و متوضحتش في الفيلم البطل جاب منين الموتوسيكل و ادوات التصليح و الكاميرا بس مع كل دة ممكن نقول انة سرقهم بس لما كان في القسم ماعرفناش او هو اصلا متسالش عليهم !!! من الضابط

من الاخر ان الفيلم لازم يتشاف بس فيلم مهم جدا جدا و اتفرج علية اكثر من مرة عشان تفهمة ...... و الله اعلم :D

التشابة في الافلام

كنت قاعد امبارح بتفرج علي تغطية مهرجان أبو ظبي و و فجأه "هف" عليا أني أتفرج علي فيلم
"fight club"
فيلم عظيم و أكيد لو فكروا يعملوا زية في مصر هايطلع أكيد زي الزفت باستثناء طبعا شوية ناس
المهم مش دة الحكاية .. في الجرايد و البرامج بيقولوا ان فيلم "أسف علي الازعاج" متاخذ من فيلم
"fight club"
هو فعلا فية شبه منة من ناحية ان الواحد لو قافل علي نفسة بيخلق شخصية جواه و بيتكلم معاها بس عشان ماتوصلش للمرض خليك عارف ان الشخصية دي مش موجودة و متخليهاش تمشي معاك في كل حتة انت بتروحها



تقريبا دي نفس حالة الشخصيات في الفيلمين شخصية "حسن" في اسف علي الازعاج و شخصية
في "Edward Norton"
"fight club"
بس مش معنا ان الحالات متشابهة ان فيلم اسف علي الازعاج متاخذ من فيلم
"fight club"
لان مضمون الفلمين مختلف تماما و تفكير الشخصيتين مختلف برضة

"Edward Norton"
كان عايز يدمر العالم بس مش لوحدة اخذ معاه الناس اللي محتاجين هما كمان يدمروا العالم معاه و نقاهم كويس علي اساس معاير معينة مثلا انة يكون "علي خلاف مع اسرتة - او مطلق مراتة بسبب معين - او مقهور في شغلة زي بطل الفيلم " كل دي اسباب هو اخذ بيها لتكوين جيشة بغاية تدمير العالم ... هنا مقصود بالعالم الاعلام اللي بيطلب منك عشان تعيش كويس لازم تكون نجم ... بس ازاي نجم و انت مقهور في شغلك كل دي امور بتدور في دماغ البطل و عشان كدة خلق شخصية يتكلم معاها لانة هو لوحدة هايكون ضعيف محتاج معاه شيطان يشجعة علي مصايبة و كان "براد بيت" او فعلا اعظم شخصية اتكتبت لشاشة سينما
"Tyler Durden"

اسف علي الازعاج و شخصية "حسن" مختلف تماما هو برضة مقهور في شغلة صح بس هو اللي خلق لنفسة الشعور دة لانة فعلا مريض و دة بقي سمح لنفسة انة ياخذ الشخصية اللي خلقها جواه انة ياخذها معاه في كل حتة يروحها و عشان كدة المرض زاد عندة بمنتهي البساطة شخصية حسن كان محتاج حد يتكلم معاه مش اكثر و مافيش اي غاية هو عايزها غير كدة الكلاااااام

في الاخر ماينفعش نقول ان الفيلم دة مسروق من الفيلم دة يا اما نقول بقي ان كل افلام الحب مسروقة من بعضها ما هو نفس الحب هنا هو هنا بس لازم نشوف هو اية سببة و نحاول ندخل في عوالم الشخصيات قبل ما نظلم صاحب الفيلم دة او دة !!!

حوار

قليل قوي لما بيكون فية حوار بيني و بين اصدقائي عن افكاري او ارائي أو عن اي حاجة لان غالبا بتكون وسط زحام و وسط الزحمة الكلمة مش بتوصل و خصوصا لو كانت بتحاول تكون كلمة جد معلش هي مقدمة كانت لازم تتقال استحملوها

كنت قاعد مع صحبي "أحمد موافي" و هو انشاء الله هايكون بطل كل افلامي القادمة بس ادعولي بس انها تتحقق و في مرة من المليون اللي بيكون الكلام فيها جد لقيتة بيقولي




موافي : انا مكتاب جدا

انا : الاكتاب لسة مش دلوقتي

موافي : ياعني اية هو الاكتاب لية وقت انت كمان

انا : الاكتاب الحقيقي لية وقتة فعلا

سبب اكتاب موافي انة كل ما يروح مكتب "كاستنج" بيترفض و بيقولي انة بعد ما اتخرج من عند "كورس" محمد عبد الهادي لتعليم فن التمثيل مافيش ولا "كاستنج" لفيلم او مسلسل الا و راح عشان يقدم و يكون الرد واحد انة يترفض

كل دة عادي و عادي جدا كمان دي وجهه نظري لان اللي هو فية دلوقتي مش اكتاب دة زاهق هو زهقان من المشوار و ردي لة ان الاكتاب فعلا مش دلوقتي الاكتاب هايجي و هاتحس بية بجد لما تتشهر و تعمل افلام بجد و تكون مطلوب من الناس بس المنتجين مش هايعبروك ولا هايفكروا فيك اصلا و الامثلة كثير بس مع المخرجين

لان المخرجين مش بيجيبوا ممثلين الش او اي كلام لا بيكونوا شطار و انت شاطر بس الفكرة انك مش هتلاقي المخرج الشاطر اللي هايجيلك بموضوع او فكرة جامدة عشان تتنفذ الا و يكون معاه منتج بس طبعا المنتج مش هايبصلكم انتم الاثنين "اقصد انا و هو طبعا " دة كان رائي مش عارف هو فهمة ولا لا او استوعب جزء منة ولا لا لان هايحسة حايحسة ولو مش كدة يشوف واحد زي

خيري بشارة ولا محمد خان ولا داود عبد السيد ولا توفيق صالح يانهار ابيض فين كل دول و فين ناسهم

مش حرام ونبي علب "الخام" اللي بيطبع عليها مشاهد و اكلشيهات و حجات الش دي لمخرجين مهلومش اي لزمة في الحياة و سيبين دول و بيجروا ورا مواضيع و حجات غريبة الشكل و المضمون الناس دي لازم تتعلم من الشركات برة و يشوفوا بيعملوا اية مع مخرج زي

"كوانتين ترانتينوا"

Pulp fiction مخرج فيلم

من اعظم افلام السينما و الراجل دة مش خريج معهد سينما علي فكرة و يشوفوا شركات الانتاج بتتهافت علية ازاي عشان مين ينتج لة فيلمة الاخير لغاية ما استقرت علي شركة "يونيفيرسال" انها هاتتنتج فيلمة و عنوانة

Inglorious Bastards

و علي فكرة الفيلم حربي ياعني ميزانية بنت حرام جمع فلوس "حسن و مرقص" علي "ليلة البيبي دول" و حطهم في الفيلم دة المهم ان الشركات التانية كان خناقهم علي مين يقدر يرايح المخرج في طلباتة !!!!!

عندنا شركة الانتاج ممكن" تزمزاء" عشان الفيلم فية مشاهد خرجي كثير ولا خبطة عربية وحشة شوية او عشان يكون الممثل واقعي يجبوله شنب غير الشنب اللي مركبة ياعني الحجات اللي تغيظ كثير

طبعا ترانتينوا مش صغير و لكن "بشارة و خان و صالح " مايقلوش عنة حاجة و برضة مش خريجين معهد سينما دة لو هايعملوا مقارنة ياعني !!!

هو دة الاكتاب اللي هاتحس بية يا عم موافي و طبعا ربنا مايحكم عليك بية بس حبيت بس اقول مقارنة بسيطة باللي انت كنت حاسس بية و اللي هو الزهق لكن الاكتاب معناه كل الكلام اللي فوق دة .

اسف علي وجهه النظر السوداء دي بس هو دة الواقع للاسف و ربنا يسترها معانا و معاهم

حكاية فيلمي الاول

عارف انة هايكون موضوع دمة تقيل بس اوعدكم انها هاتكون اخر مرة اتكلم عن نفسي او عن اي حاجة هاعملها الا لو طبعا فيها استفادة زي موضوع فيليمي الاول الذي كان علي ابواب ان يكون فيلم مقاولات قصيرة



بطاقة الفيلم :_



اسمة : اللعبة "فيلم قصير" ديجيتال

الابطال : صبري سيراج - حسين هاشم - يحيي سعد - محمد نصر - اسلام

قصة : مستوحاه من من المجموعة القصصية "شيئ من هذا القبيل" للكاتب ابراهيم اصلان

اسم القصة : اللعبة

موسيقي : من فرقة افتكاسات

سيناريو و حوار : محمد العسكري

اخراج و منتاج و تصوير : محمد العسكري



البداية



اشتريت المجموعة القصصية في شهر فبراير سنة 2007 و حبيتها جدا جدا و فضلت اقراء فيها لمدة 6 شهور من كثر اعجابي بيها كل ما تخلص اعيدها تاني و علقت معايا اكثر قصة فيهم اللي هي طبعا قصة "اللعبه" و قلت لنفسي دي هاتكون مشروع تخرجي في معهد سينما لما ادخلة و فضلت افكر بقي هاتكون عملة ازاي



سعتها انا كنت بحضر لفيلم تاني خالص بس زي ما قلتلكم قبل كدة ان الممثلين ماكنتش بعرف اوفق مواعيدهم مع بعض و كذا حاجة تانية قلت لنفسي يا واد ما تكسر النحس دة بفيلم تاني و يكون"" سهل "" ركزوا معايا قوي بقي في جزء سهل دة

قريت القصة تاني لمدة يومين لغاية ما لميت كل جوانبها كويس قوي



بدات في كتابة السيناريو و فضلت يوم كامل بكتب فية "اشيل دي و احط دي و دي وحشة لا دي احلا" و فضل اليوم كلة كدة لحد ما حسيت انة هو دي اللي انا عايزة بس بعد ما نمت و صحيت تاني يوم قلت اقراءة تاني و اشوفة بقي بعين المخرج لقيتة غير القصة تماما بس نفس الاطار بتعها و هو مجموعة اصحاب قعدين علي قهوة و بيلعبوا دومينوا و بيجي راجل عجوز غريب عن المنطقة و بيقعد علي القهوة دي و فضل كدة لمدة كذا يوم و بدا يتفرج عليهم و بداوا يحسوا بوجود الراجل العجوز و اهتمامة بيهم لدرجة انهم مابقوش يلعبوا غير لما الراجل دة يجي و يقعد علي القهوة و في يوم الراجل دة ماجاش فا بطلوا يلعبوا دي القصة اللي كتبها "ابراهيم اصلان" اما السيناريو اللي كتبتة بيقول



نفس اللي بتقولة القصة بس الفرق ان في فيليمي ان الراجل هو اللي اتعلق بالشباب و كان بيحاول يتعلم منهم الدومينوا لغرض تغير شئ في حياتة هو فاكر كدة اما قصة "اصلان" اللعيبة هما اللي اتعلقوا بوجود الراجل ... فرق كبير جدا طبعا بعد كل دة و بعد اللي اكتشفتوا قلت اني لازم اتصل بالكاتب ابراهيم اصلان و استاذن منة بتحويل القصة لسيناريو ثم فيلم و فعلا ماعرفش ازاي لغاية دلوقتي عرفت اكلم ابراهيم اصلان ازاي



اتصلت الاول بدار النشر و طلبت نمرتة بس اترفض طلبي و اخذت عنوانة بس اتصلت بالدليل و قلت عايز نمرة ابراهيم اصلان قاللي هو ساكن فين قلتلة العنوان و قالي النمرة !!! قلت ياد ممكن يكون تشابه اسماء اتصلت و انا مرعوب لقيت صوت مش غريب عليا حضرتك ابراهيم اصلان!!.. ايوة .. الكيت كات!!... ايوة .... شيئ من هذا القبيل!!... ايوة يابني !!!! ... اه طيب حضرتك انا حولت قصة اللعبة لسيناريو و هاخرجة ممكن اعرف راي حضرتك لما ابعتلك السيناريو .... اه ممكن



طبعا بعد اه ممكن دي كنت انا خلاص ميت روحتلة جرنال "الحياه" في مكتبة و سبت السيناريو و نسخة من القصة للسيكارتير و لقيتة بيقولي اتصل بعد اسبوع و فعلا اتصلت لقيتة بيقولي .... اه ازيك يا محمد "اول مرة ينطق اسمي اصلا " انا افتكرن ان القصة دي واحد تاني كان عايز يعملها فيلم و السيناريو بتاعة كان زي القصة بالضبط لكن انت مختلف تماما عن القصة .... طبعا انا بسمع الكلام دة و بتحطم من جوة ياعني



قلتلة اه يا استاذ صح كدة ياعني ماعملوش ..... لا ماتعملهوش .... الف شكر

فضلت افكر كدة شوية قلت لنفسي طيب الراجل التاني يكتب عن قصة ابراهيم اصلان و انا اكتب مستوحاه من قصة ابراهيم اصلان و اتصلت بية و الحمد الله وافق



كنت كتبت في بداية السيناريو حوار المفروض بيقولة راوي قلت لنفسي اي حد يعملة و مسكت الموبايل و بدور دة و فجأة شوفت اسم استغربت اصلا اني مافكرتش فية و قلت لنفسي يا نهار ابيض دي لو وفقت يبقي انا واد جامد جدا و باشا كمان

اتصلت .... الوا مدام سناء منصور ........ ايوة مين معايا ... محمد يافندم اللي كنت مع حضرتك في مهرجان القاهرة ... اه اه ازيك يا محمد

طبعا مش هاوصف اللي جويا لما قلتلي ازيك يا محمد ... هي بتقولها عادي طبعا بس جوايا انا مش عادي خالص اكيد اكيد ياعني

لما قبلتها في المهرجان كنت طلبت منها اني اشتغل معاها حوار لمجلة كلمتنا وافقت جدا و قالتلي بس لما تتصل ابقي فكرني انت مين

وحصل بس طلبت منها انها تادي صوت الراوي و قالتلي.... انت عارف انا باخذ فلوس كثير قوي لو بعمل دور راوي بس انت مش هاخذ منك حاجة و تحت امرك



اكيد اكيد انا مش بحلم عايز اقولكم ان اللي اقترح اننا نقف معاها كان صحبي "احمد التهامي" ياعني اصلا الموضوع مكانش في بالي تماما و الفيلم كمان ماكنش في بالي اصلا ماكنش لسة فكرت فية

لقيتها بتقولي انها مسافرة و راجعة بعد شهر اتصل و نتقابل و نسجل و فعلا بعد شهر اتصلت و اخذت منها عنوان البيت و روحتلها و فعلا سجلنا حوار الراوي



كان فاضل علي وقت مهرجان ساقية عبد المنعم الصاوي شهر بالضبط و في الشهر دة كان امتحناتي فية
خلصت امتحانات و كان فاضل اسبوعين علي التسليم فضلت احضر مع ممثلين و مكانش السيناريو عجبهم فا فضلنا نعدل فية و كل يوم نيجي نقف عند اللي وقفنا عندة اخر مرة و نرجع تاني لنفس المرة الاولانية !!!


فاضل اربع ايام علي التسليم و كدة انا معنديش ممثلين لانهم اصلا مش حابين السيناريو "طيب قولولي من الاول " المهم افتكرت الناس اللي كانوا معايا في مجلة كلمتنا و اللي اصلا كنا عملنا مجلة علي النت اسمها نحلم بس ماستمريتش و من سعتها و احنا اصحاب



روحتلهم شافوا السيناريو عجبهم جولي تاني يوم في القهوة اللي هانصور فيها الفيلم كان محتاج راجل عجوز اتصلت بالبوا واحدة كانت معايا في المدرسة و الراجل وافق و جية هو كمان و استاذنت صاحب القهوة اننا نصور و وافق و فعلا خلاص صورنا السيناريو كلة 8 مشاهد من الساعة 8 بليل لغاية الساعة 10.30 "كروتة" للاسف



فاضل يومين علي التسليم اول يوم منهم فضلت امنتج الفيلم فية و اكتشفت و انا بمنتج ان الصوت مش موجود في بعض مشاهد و المشاهد التانية الصوت وحش قوي و التمثيل كان اوحش و خصوصا اني كنت بمثل معاهم "صبي القهوجي" فا اتبقي مشهدين من اصل ثمانية مشاهد بس حيت انهم حكوا الفيلم و دة اللي طماني شوية مع صوت سناء منصور و الشوتات اللي اخذتها علي صوت الراوي



يوم التسليم و كان اخر معاد الساعة 7 بليل في الساقية بس قلت عشان الفيلم يكمل او يتفهم علي الاقل ان الراجل العجوز لازم هو كمان يتكلم فا روحتلة الصبح و اخذت منة الجملة اللي المفروض يقولها عشان الفيلم يتفهم و بعد كدة كملت مناج الفيلم و حاطيتة علي

DVD

و وصلت الساقية الساعة 6.50 و سلمت الفيلم قبل المعاد ما بعشر دقايق !!! و الفيلم اتعرض اخر يوم من ايام المهرجان و اتشتمت و انا في قاعة العرض ... اية القرف دة ... اية اللي منيلة دة .... اية ابن التييييييييييت دة

و كدة بقي و اتسبلي الدين علي ما اعتقد !!!



طبعا فية استفادات كثير قوي استفدتها اول حاجة ان مافيش حاجة اسمها فيلم سهل و فيلم صعب فية حاجة اسمها ترتيب و اولويات لان لو كل فيلم اتعمل بالطريقة دي يبقي كدة سينما الموقولات هاتطول الافلام القصيرة كمان و هي مش نقصة اصلا ثاني حاجة لكل واحد شغلة في مجال السينما او اي مجال تاني طبعا ياعني انا اخراج و منتاج و كتابة بس ماينفعش اصور او امثل لان كدة كل افلامي هاتبوظ
الحاجة الثالثة و الاهم اخذ بالي من بداية الفيلم و نهايتة و افضل ماسك رتم الفيلم



عرضت الفيلم تاني بس في مهرجان الموبايل و الغريبة ان الفيلم اخذ جايزة تقديرية من المهرجان و دة اللي مستغربة لغاية دلوقتي !!!!
filmeka..com و اخيرا الفيلم دخل مسابقة في موقع
و لسة طبعا معرفش النتيجة بس ادعولي انة يكسب عشان انتج فيلمي اللي بحضرلة دلوقتي

بتاسف علي البوست الرخم دة بس اللي يوصل لغاية هنا ياريت يدعيلي عشان بحضر لفيلم قصير تاني يارب يطلع للنور بس و اكيد هاعزمكم عشان تشوفة دة لينك الفيلم اتفرجوا علية و سمحوني بقي علية

http://www.youtube.com/watch?v=PmTxf4egpPM

مواقف سينمائية

دي مواقف علي طول بتتكرر في اي فيلم او اي مسلسل حاجة تغيظ اسهل حاجة هو الاستسهال و ربنا يبعدنا عنة

1:لو العلاقة غير شريفة و قاعدين في "وسوسة الشيطان" و مرة واحدة الجرس ضرب الست تسال : اية دة هو انت مستني حد "... خلاص لازم يكون مستني حد يعني

2:لو واحد بيحاول "يأفلم" علي البنت عشان يجيبها البيت عندة و هي بتوافق و اول ما تدخل علي الصالة بتلاقي المكتبة و فيها كتب كثيرة :هو انت قراءة الكتب دي كلها ولا حطيتها منظر فا طبعا الاجابة الظريفة تكون : لا منظر

3: اتنين محليتهومش غير اللي لبسينة و يجيوا عشان يلعبوا قمار فا طبعا البطل لازم يكوش علي الترابيزة كلها

4: بعد ما البطل يقتل الشرير و خلاص يخلص الفيلم و يديلة ظهرة نقوم نسمع صوت طلقة الشرير قام يا جدعان يقوم البطل شايفة في المرايا يقوم يضربة تاني بالنار

5: البطل يسافر و مع اول جواب يبعتة لاهلة فا طبعا الام مش بتعرف تقراء فا تدي الجواب لخت الواد و بعد ما تقراء تطلع فلوس من الظرف تاخذ الام الفلوس و ترميها و تخطف الجواب من البنت و تقعد تبوس فية

6: لا وحياة امك يا استاذ فلان "فكل افلام يوسف شاهين" مع احترامي لية و يارب يرجع لنا بالسلامة

7: دة في الافلام الامريكاني بس "يكون البطل معزوم علي العشاء فا يتطلب منة انة يقول دعاء الشكر قبل الاكل " طبعا المعلم يقول اي حاجة و الناس تقول "الله " يا سلااااام

8: مصطفي شعبان يستخبا ورا اي حاجة و لازم يشخط

دي المواقف اللي قدرت اني افتكرها مع ان مافيش اكثر من المواقف المكررة في السينما و مستني بقي مواقف انتم كمان عرفنها

قصة قصيرة " بين اربع حيطان"

كواليس :

دة كان اسم اول سيناريو لفيلم روائي قصير اكتبة و كانت حصلت مشاكل فية كدة و كتبت السيناريو 8 مرات لغاية ما وصلت للشكل النهائي اللي كنت عايزة و فكرت اني اخرجة و فعلا كنت حضرت لة بس معرفتش اوفق الممثلين مع بعض فا فكرت اني احولة لقصة قصيرة مع بعض التغيرات و يارب تعجبكم
اهداء الي : عمرو سلامة

قليل من الاوقات نكون مسالمين مع انفسنا مع اني داما اخاف من هذة الاوقات لانها تتحول في لحظة كستار تغطي بة نفسك امام اصدقائك و اقاربك مني تشكيني لهم علي ظلمي لكي و اساوتي و عدم قول كلمة واحدة جميلة لكي مع العلم و انت تقولي هذا اكون في حضنك و قتها و عندما اسالك لماذا هذة التصرفات تقولي لي "الحسد يا حبيبي الحسد" و انت تعلمي ما مدا كرهي لهذة الكلمة و طبعا في هذا الوقت يسمع صوتي لمن تشكي لة فا ياتي مسرعا ليطمان عليكي و في هذا الوقت يكون الامر وصل لزروتة


و تعلوا الاصوات و تتثبت صورة الشرير "قليل الادب " امامة " و في هذا الوقت لن تعرفي تدافعي عني بالكعس تحاولي ظهور برائتك و اتهامي كيف هذا؟؟ و اي حسد تتحدثين عنة!!؟ و انت تحاولي افساد كل معاني الحب التي كنت احتاج اليها منك


كيف تصدقين كذبك عليهم و كيف اصدقك انا في مشاعرك لي في بدايات حبنا "كنت بتستعبطيني " و للاسف صدقتك كنت داما اسالك هل انت متاكدة انك مهتمة بمظهري و شخصيتي امام عائلتك" كانت الاجابة " طبعا يا حبيبي بس المظهر ولا نتحسد " ؟

نفسي اعرف كنا هانتحسد علي اية ؟


ياتري لان عالتك كانت لا تملك حق لقمة العيش او حتي حق الحياة النظيفة و اصبحت عقدة نقص ام تحاولي اثبات شئ لنفسك لا يعلمة غيرك... حقيقي مش عارف اوصل لتفكيرك نفسي يكون عندك الشجاعة لتتحدثي معي

يقوم من علي الكرسي و يخرج من داخل غرفة ثم مرورا بباب خارج مستشفي امراض عصبية و نفسية و يشعل سيجارة و دخانها يظهر خلفة

تمت ......

محمد العسكري

من انا اصلا ؟

مش هاقدر انكر ان الحماس اللي خلاني ارجع و اكتب تاني هو كان طلب صديقي احمد تهامي "قافية اهو و اخر حلاوة " معلش مصمم علي الالش برضة استحملوني

و السبب الثاني هو المخرج عمرو سلامة و ممكن هو مايكونش عارف كدة و هو اكيد مش عارف عشان التطويل و الملل هاتكلم عن التغير
اولا : اسم المدونة اتغير كان اسمة مشربية العسكري و مش عارف لية كان اسمة كدة !! و كنت فرحان قوي بية مش عارف علي اية برضة و دلوقتي بقي زي ما انتم شايفين بقي اسمة "شورييل " مش عارف برضة علي اي اساس سميتة كدة

منظرة ولا تقليد ولا حافظ مش فاهم ممكن تكون اي حاجة من دول الله اعلم المهم زي ما اتفقني اني اخيرا خلصت دراستي و هي نظم معلومات و اكتشفت بعد ارع سنين دراسة اني لما بتخرج بيكون اسمي
"ANALYZER SYSTEM" محلل نظام
او في مصر هنا
"IT"


في الحلتين اضحك علينا و خلاص بس عرفت ان السيما قايمة علي التحليل بس اتقاللي انت هاتعمل اية بعد ما اتخرجت قلتلهم هاشتغل في السيما
قالوا اية جاب لجاب و بعدين ما تستقر علي حاجة محسوبكم كان مشروع "صحفي - كاتب اغاني - قصص قصيرة - سيناريو و اخيرا سيما و خصوصا اخراج " بس في كل حاجة نص نص غلبت افهمهم ان كل دة تحت عنوان "ميديا " ياعني انا مش عبيط ولا غاوي تنطيط

عشان انا بحب شغلانة تحليل النظم بس للاسف مش موجودة في مصر فا قررت احلل افلام سواء مشاهدة او من صنعي و لغاية دلوقتي بحاول افهم فيهم بس يارب تكونوا انتم فاهمين

كلام انتخابات :
المهم اني هاحاول اكتب رايي و اي جديد احصل علية في مجال السيما و قريب قوي هاكتب تحليل عن اول فيلم لي و هو عن قصة الكاتب "ابراهيم اصلان "
و اسمة "اللعبة " عن نفس اسم القصة من المجموعة القصصية "شئ من هذا القبيل "

يتبع .........

تدوينة يوم جديد

في كل مرة تتفتح عيوني علي مدونتي اقول "يلا بقي جددها يا واد" ولكن يملكني البؤس الشديد ماذا اكتب و اتحدث لمن بعد كل هذا الغياب "قال يعني كان فية حد بيشوفها اساسا"
لكن بعد تفكير و تغير مجالات بداخلي و انهاء دراستي ال
INFORMATION SYSTEM

اخيرا قررت كتابة ما حدث بعد آخر تدوينة و لكن باختصار "عشان الملل و الالش" نبدا بالعناوين

1: تعريف من جديد علي من هو اصلا محمد العسكري

2: ذهابي لمهرجان القاهرة في دورتة ال 30 ولاول مرة علي يد صديقي "احمد تهامي"

3: زيارات لمسرح الفلكي بالجامعة الامريكية و معهد جوتا و الاوبرا "للمشاهدة" فقط

4: قراءة لكتابات المخرج عمرو سلامة و المخرج محمد خان و الناقد محمد رضا و "الضحك و الابتسام و النشاط و الحماس و الزعل" احيانا

5: اتهف في دماغي و اعمل اول فيلم قصير باسمي

6: زيارة لساقية الصاوي و مشاهدة عملي بين الجمهور

7: معهد السينما

حقيقي مش عارف الخطة هاتمشي ازاي لان كل عنوان محتاج لصفحات و كلام كثيييير قوي بس خلينا متفقين ان اول موضوع هو تعريفي الجديد باسم محمد العسكري

يتبع..........

مجرد وجهة نظر 2

بقالي فترة مش عايز اطول كلمتين و رد غطاهم مش عارف دي هواجس ولا اية ؟ شوفوا و قولولي

يا خوفي اللي انا فية دة يكون وهم
و بضحك بية علي نفسي قبل ما يطولني الهم
و اللي حوليا بيبنولي في كلام
و انا من هبلي عيشتة احلام
المشكلة اني مصدق نفسي
خايف اسالهم .... يسيبوني و يمشوا
سعيتها مش هاعرف الومهم لانهم ماخذوش اجورهم
اصل نسيت اقول لكم ان كلامهم غير احلامهم

مجرد وجهة نظر

في نظرك اية هو الاحترام؟
!يصمت
الاحترام ان لما يكون واحد أعمي بيكلمك .... تبص في عينة

لية؟؟؟؟؟؟؟؟؟؟؟؟؟؟؟؟؟؟

لية الناس اللي انت بتحبهم و الله اعلم اذا كانوا هما كمان بيحبوك او ممكن تكون شفقة منهم ليك ع شان يظهروا انهم بيحبوك قدام الناس بيستغلوة و يطلبوا منك حاجة في اوقات سخيفة بدافع السلام و الاطمانان عليك فا بتضطر انك تخلق اعذار و المصيبة انك بتتكشف و هما بيستغلو هذة النقطة و تكون اعينهم دليل اتهام مدي الحياة

ازاي قبلت شريف البنداري

معرفش لية كان نفسي اني أعرف الناس ازاي قبلت المخرج شريف البنداري كنت شاهدت لشريف فيلم اسمة "6 بنات" و هو أول فيلم تسجيلي لة و كان في سنة ثالثة معهد سينما عجبني قوي الفيلم لكن للاسف معرفتش مين اللي اخرج الفيلم دة لغاية يوم "7/8/2006" يوم الاربعاء في برنامج اسمة "شارع الكلام " علي النيل الثقافية كنت قاعد بتفرج علي التليفزيون و بشاهد القنوات و عديت علي الثقافية و لحظت واحد بيتكلم عن "هند صبري "و عن ميكينج فيلم لسة ماعرفش اسمة و بعد كدة لقيتهم فجأة اتكلموا عن الافلام القصيرة قلت لنفسي " يا عم اقلب " وفضلت اقلب في القنوات و معرفش لية رجعت تاني للثقافية و كملت باقي البرنامج و عجبني قوي كلام البنداري و عرفت من الكلام و الاسئلة الموجهة لشريف عرفت انة هو مخرج فيلم "6 بنات" اللي كان عجبني جدا و دة اللي جعلني اتصل بالبرنامج لكن للاسف الكنترول رد عليا و قال لي ان البرنامج خلص انا كنت عايز اكلم شريف ع شان اقابلة و اعرض علية قصة كنت كتبتها و اسمها " مذكرات شخص" فا قلت للراجل اللي رد عليا :طيب مش ممكن اخذ نمرة التليفون و اكلمة

بعدين فضل ساكت كدة شوية و لقيتة بيقولي لحظة واحدة و بعد دقيقة بالضبط لقيت شريف البنداري بيكلمني و قلت لة انا محمد العسكري و كنت عايز اعرض عليك قصة قصيرة قال لي :مافيش مانع دي نمرة الموبايل و اخذتها و اتفقنا علي المعاد و كان يوم الخميس الموافق 8/6/2006 و قال لي :اتصل بيا بكرة الساعة 6 بليل و نتفق علي معاد و بعد المكالمة حضرت ورقي كلة و كل حاجة كتبتها في حياتي و فضلت مستني اليوم التاني و جأت الساعة السادسة و اتصلت : شريف ايوة انا محمد اللي كلمتنك امبارح في البرنامجشريف :اة ايوة ايوة ازيك يا محمد انت بقة عرفتني منينشرحت لة الاسطر اللي فوق دي كلها و اتفقنا علي اننا نتقابل الساعة 9 بليل في الزمالك في "سيلانترو كافية" و قال لي : انت بس معندكش حاجة يا عني فاضي قلت لة : ايوة ايوة انا كلة تمام مخلص الامتحانات و كلة تمام و قال لي :طيب كويس بس يا محمد جيب معاك كل اللي انت كاتبة مش القصة بس و فعلا انا كنت محضر كل حاجة من امبارح و حضرت نفسي للمعاد و ركبت اتوبيس رقم "76" من مساكن شيراتون الي الزمالك عند 26 يوليو لكن للاسف و انا في الطريق كنت حاسس اني هاتاخر عن الميعاد فا اتصلت بشريف و قلت لة معلش انا هاتاخر لغاية 9 و نصف فا لقيت شريف بيكنسل عليا و هو اللي اتصل و قال لي :محمد معلش ممكن الميعاد يتاخر شوية ع شان في شوية حجات كدة بعملها بس مش هاتاخر عليك و فعلا وصلت امام الكافية الساعة 10 بالضبط و فضلت واقف لغاية الساعة 11 و لقيت شريف نازل من تاكسي و بيلتفت يمين و شمال و روحت لة و قلت لة انا محمد و سلمنا علي بعض و لقيتة بيقولي تحب تقعد فين بقة قلت لة : اي حاجة مش فارقة قال لي : بص فية مكان هنا حلو قوي هي جوة شوية و كانت كافية اسمها "ديل كافية" و هي كانت سبب الاهامي و هاقول لية في السطور القادمة و دخلنا الكافية و قعدنا في آخرها خالص و اول ما قعدنا لقينا بينت و بتسال ممكن حد يصورها طبعا مافيش انسب من شريف و فعلا قام و صورها هو و بعد كدة رجع ليا و قال ها يا سيدي وريني الحجات بقا و بدات اطلع الورق اللي معايا و كانوا ثلاث قصص قصيرة او انا كنت فاكرهم كدة المهم شريف قراء عادي جدا و كل لما اجي اعلق علي حاجة يقول لي بص انت كتبت خلاص

متعلقش علي اي حاجة انت كتيبها لحد هو اللي هايسال و فعلا و من سعتها و انا بعمل كدة و اي حاجة مش فاهمها كان يقولي ازاي ياعني و افهمة وجهة نظري المهم لقيتة بداء يقولي هي دي مش قصص لان القصة بداية و وسط و نهاية و عرفني يا عني اية و قال لي ان الشروط دي مش عندك هنا بس قال لي هي افكار جديدة بس لو اتعملت بتركيز هاتكون احسن و يمكن اي حد كان يقراء لي اي حاجة كان يقول لي انت محتاج قراءة كثير و يسكت لكن شريف قال لي اقراء لمين كمان و اول ترشيح منة ليا هو "صنع الله ابراهيم" قال لي هو دة لو قراءتة كثير هاتعرف توصف و تكتب كويس و فعلا بقيت اقراء لة و سالت شريف طيب ممكن الاقي باقي كتبة فين و شاور ليا علي مكتبة "ديوان" و قال هي دي الوحيدة اللي هاتلاقي فيها كتب لصنع الله المهم اللي بيشتغل في الكافية جاء لنا "بالمنيو " و انا طلبت "هوت شوكلت " و شريف طلب ياكل و مافيش ربع ساعة و الطلب كان جاهز اثناء الربع ساعة دي بقا شريف سالني هاقضي الاجازة دي في اية و قلت لة اني امفروض اشتغل مع جوز بنت خلتي في الادوات الطبية و بدوري سالت شريف هو كمان قال لي انة بيجهز لمشروع التخرج بتاعة و سالني تاني انا بكتب من امتي قلت لة انها بدات معايا من مجلة كلمتنا البداية الحقيقة ياعني و فضلت 3 سنين بحاول انشر حاجة عندهم بس منفيعش لغاية لما اشتغلت حوار مع خالد الصفتي مؤلف "فلاش" بس للاسف لغاية يومنا هذا الحوار لم يتم نشرة المهم ان شريف كان يقصد كتاباتي القصصية مش كا صحفي و لقيتة بيقولي و هو عامل اية دلوقتي ؟! اللي يضحك بقا اني جوبتة عادي و قلت لة انة ساب البلد و هو دلوقتي في قطر و بيحاول يعمل شخصيات فلاش افلام كارتون فا راح قال لي ربنا يوفقة طبعا انا فكرت في الموضوع دة و انا مروح و قلت لنفسي اية دة دة بيسال عن كتابة القصص و انت بتكلمة عن خالد الصفتي المهم بعد كدة الطلابات جت و هو كان ماسك ورقة من الورق و فجاة في تليفون جاء لة و كان من "ناهد نصر الله " شقيقة المخرج "يسري نصر الله " و هي مصممة ملابس في السينما و كانت بتهنية عن جائزة امستيردام عن فيلم صباح الفل و بعد ما قفل قال لي انت عارف مين دي قلت لة طبعا المهم فا قال لي طيب يلا يلا و ابعدنا الورق عن الترابيزة و بدا ياكل و انا بدات اشرب و اثناء الاكل و الشرب كنت اسالة عن سفرية امستردام قال لي انة اتفرج علي فيلم "الخبز الحافي" سيرة ذاتية للكاتب الراحل "محمد شكري" و قال لي انت عارف مش لازم الواحد اول حاجة يعملها تعلم مع الناس يا عني عندك محمد شكري بدا يتعلم الكتابة و هو عندة 20 سنة و بداء يتعرف و هو في الثلاثينات و الرواية اللي علمت مع الناس كانت هي الخبز الحافي سيرتة الذاتية و ترجمت لكذا لغة طبعا كلامة دة ع شان مكنتش ازعل ان القصص اللي قرئها مش قصص و السبب الرئيس اني كنت بكتب كلمة بالفعل " بلفعل" و شرحت لة اني بدات اقراء و اكتب و انا في اولي اعدادي كانت في قصة من ضمن القصص فيها شخصية مرضة و بتقلق من اي حاجة فا قال لي دة اسمة "الوسواس القهري" و تكلمنا علي كليتي و قال لي مش مهم

بعد ما تخلص ادرس اللي بتحبة و خلصنا الاكل و الشرب و جاء الشيك و كنت هادفع فا قال لي عيب عيب استني و للاسف دفع هو و احنا خرجين قال لي هي دي المكتبة ع شان مكنتش اعرف هي فين و بعد كدة قلت لة هو ممكن لو اي حاجة وقفت معايا ابقي اقول لك قال مافيش مانع و سلمنا علي بعض و قلت لة فرصة سعيدة قال انا اسعد و بدات من سعتها اكتب في السيناريو و لسة بعدل فية حجات المقابلة الثانية مع شريف كانت في خان الخليلي بتاريخ2 /1 /2007 و اللي شريف استغرب اني عمري ما روحتها قبل كدة و كانت المقابلة ع شان حوار لكلمتنا و هو موجود في البلوج هنا بالكامل لان في المجلة اتمنتج منة كثير و قعدنا علي قهوة امام مسجد الحسين مش قهوة القشاوي و طلبنا اتنين شاي بالنعناع و الراجل قال لنا مافيش نعناع فا طلبنا اتنين سحلب و اثناء الحديث كان شريف بيشرب السحلب و بعد كدة قمت ع شان احاسب قال انت بتعمل اية لم حجتك و اشرب السحلب لغاية لما احاسب المهم انة و هو بيحاسب لسة هامد ايدي علي السحلب لقيت الصينية بتتسحب و لا اكيني كنت لسة هاشرب و قاعدت انادي و ولا هو هنا طبعا شكرت شريف و بصراحة انا عيني كانت علي السحلب اللي مشربتهوش دة و كان الحساب 10 جنية فا شريف قال لية انا السنة اللي فاتت كان السحلب ب3.50 فا الراجل قال لة دة السنة اللي فاتت بقا و حتي اسال الواد فلان لسة هايسال فا شريف قال لة لا متسالش فلان اسالني انا.. انا اللي شربت حجات حصلت اثناء الحوار :الحوار دة اتعمل يوم 2/1/

2007و اتنشر في كلمتنا 1/5/2007و علي فكرة اثناء اجرائي للحوار الكاسيت باظ فا شريف قال لي يبقي هاتكتب بقة يا ريس و فعلا الحوار كلة كان من فم شريف الي قلمي علي الورق بس طبعا ع شان دة اول حوار انفذة بالكتابة اثناء الحوار فا كان في اخطاء فابعد ما رجعت البيت و رتبت الحوار من جديد كانت فية اخطاء فا ارسلت الحوار لشريف ع شان يصلح الوجهات النظر الخاطئة التي كتبتها عن فم شريف و فعلا اتصلت بية علي التليفون و تم تصليح وجهة نظر شريف و بعد كدة ارسلت الحوار لكلمتنا بس كدة و معلش طويلت عليكم بس دة كان واجب لازم اعملة متشكر جدا لكم جميعا و خصوصا الف مليون شكر يا شريف

ممكن اعرف اية اللي حصل ؟؟

انهردة الصبح كنت في مكتبة في مصر الجديدة و دخلت فيها ع شان اسال عن الكتاب الجديد لابراهيم اصلان فا دخلت

العبد الله : السلام عليكم لو سمحتي هو كتاب ابراهيم اصلان موجود و لا لسة مجاش

لقيت الست بتبص لوحدة جنبها و بيتكلموا بصوت منخفض و اثناء الحديث دخل علينا راجل "ملو هدومة" فا الست سالتة فا قال لها

الراجل : !!!! احنا معندناش حد هنا بالاسم دة في المكتبة

سعيتها مش عارف اية اللي حصل ممكن انتم تقولولي اية اللي حصل ؟؟؟

و استعنت بكلمة الشيخ حسني من فيلم الكيت كات : دة انا اخذء لك عينك و اخلي التانية تتحصر عليها

!!!اول مرة الاتيكيت يخدم الدين في كلمتنا

دي مقالة كانت في كلمتنا الشهر اللي فات واتنشرت في باب للمناقشة عن" احنا و الغرب" الغريبة ان المقالة دي اتنشرت زي ما هي مافيش اي تغير في الاسلوب اللي كتبت بية لكن طبعا الحلو مايكملش المقال" اتمنتج" منة كتييييير يارب يكون كويس

اةة نسيت اقول لكم انة بيتكلم عن احنا اخذنا اية من الغرب و هما اخذوا اية

"مصطفي فتحي " مدير التحرير و احنا في الاجتماع قال لي لما قلت لة هما اخذوا اية مننا قال لي هما مأخذوش منا ولا حاجة احنا اللي بناخذ كل حاجة رديت علية في المقالة و يارب تكون خفيفة عليكم

اليكم المقال الكامل

اساس الواحد مننا هو قديمة و نحن قديم امريكا . عارفين قصة" احنا كنا زمان اية و دلوقتي اية ؟!"
مش هاتكلم عنها لانها قصة سخيفة. لكن حاقول اخذنا اية منهم؟ و اخذوا منا اية؟ و اية الفرق من مجتمعنا و مجتمعهم.
جميعا نعرف ما اخذناة "الشكل فقط " بلا مضمون لان المضمون سلب مننا.

كان كل اهتمامنا هو تعلم لغة الاخرين و لغتنا "لا دي مش حضارية" و اقصد بلغتنا اللغة الهيروغليفية‏
لان الغرب تعلموها احسن مننا و طبعا تعلموها سلبا من اوراق البردي التي سلبت مع اكتشاف اي مقبرة جديدة
و الاكتشافات التي نسبوها الي انفسهم "الطائرة و السيارة " و هذا ما اثبتة أ/بسام الشماع الباحث في الاثار المصرية و كان هذا في ساقية الصاوي.

قواعد اساسية عندنا نسمعها منهم و لكن باسامي آخرة و لأول مرة" الاتيكيت " يخدم الدين
نسمع انة ليس مستحب ان الرجال تصافح النساء في الدين الاسلامي و دة في "الاتيكيت" يسمي ان السيدات هي التي تبدا بالسلام اولا و ليس الرجال ودة من ذوق "الاتيكيت"

الافلام التي تتكلم دأما عن الحروب نحن أول ما ادخلنا بها الجانب الانساني يوجد جمل حوارية كانت تتكلم عن فقدان زميل من الحروب و الاشتياق الي جو العائلة
هذة الجمل و الجوانب الانسانية كانت ليس لديهم اصبحت تقال في افلامهم
ليس في استطاعي ان اقول "اخذوها" منا و لكن ايضا من الصعب ان اقول انة "توارد افكار".
و لكن يوجد جهل بسيط في الشعبين حتي الان يقال عن و لاية "شيكاجو" انها مدينة المسداسات و هذا جهل مننا
اما مصر يقال عنها بلاد الجمال و الصحراء و هذا ان دل علي شئ فا يدل علي عدم توصيل ثقافة الشعبين من خلال بعضها البعض.

الحليات و الكراسي الفرعونية تقلد في الخارج و هذا ما قالة د. صلاح عناني في برنامج وسط البلد و تقلد من خلال الصور الفرعونية التي تباع في البازارات

و اول من بدا التدوين هم العرب في الكتب السماوية و الفراعنة علي الحوائط ثم تطورت طريقة التدوين حتي اصبحت اسمها database و هي لغة البيانات التي تدون علي جهاز الكومبيوتر.

هذة هي النقطة الوحيدة التي التقينا فيها مع بعض و هي "الحجج السياسية"
من احرق مسرح بني سويف اصبح "مختل عقلي"
من طلب العمل في اسرائيل اتضح انة "مختل عقلي"
حتي الكوري صاحب مجزرة جامعة فيرجينيا بعد التحاليل "مختل عقلي".
حتي القوانين متشابهين
يوجد اعتراف من السيدة "كاترين بورتر" رئيس المجلس الرئاسي لحقوق الانسان في واشنطن بأن يوجد قوانين امريكية سيئة مثل "باتريوت آكت"او الادلة السرية و هو الذي نفذ بعد احداث 11 سبتمبر و هو يتم بموجبة تقديم اي فرد للمحاكمة عبر شهود غير معلنين بزعم حماية الشهود و دة في امريكا
اما مصر "قانون الطوارئ "

ملحوظة

الصورة اخذتها من اول بلوجز شوفتة في حياتي و هو لمها حمدي

و دة الينك بتاعها

http://visualdialogs.blogspot.com/

سؤال؟؟؟؟؟؟؟؟؟؟؟

dady & mamy دأما كل الفنانين او معظمهم يا عني يطلع في البرامج و يقول
بيقولولي دأما لازم اكون كويس و يقعد كل شوية يتكلم بالعربي و يجي علي بابا و ماما لسانة يتقلب
unkle و ياسلام عندما يكون ابن الفنان دة موجود في البرنامج تلاقية بيقول
السؤال بقة ؟؟؟؟؟؟
unkle او dady و mamy يا تري المسؤلين او الرؤساء او ابناهم بردة بيقولوا
يا عني مثلا جمال مبارك بيقول
unkle صفوت الشريف
dady او mamy او احمد نظيف بيقول مثلا لعلاء ازي
هو دة ا لسؤال يا رب يكون خفيف عليكم و علينا؟؟؟؟؟؟؟؟؟؟؟
شكرااااااااااااااااااااااااااااااا

!!! الرقابة و الرشاوي

كان الاستاذ خان اتكلم قبل كدة عن الموضوع دة بس بطريقة آخرة دة لينك الموضوع

http://klephty.blogspot.com/2007/05/blog-post_31.html

الاستاذ خان كان بيقول ان الفيلم بيروح للرقابة و اول ما المسؤلين بيعرفوا انة فيلم عربي يتهافتون لانة طبعا فيلم جديد و عربي فا يقعدوا في غرفة مظلمة و يتم مشاهدة الفيلم و مع كل ملاحظة واحد يفتح الاباجورا اللي جنبوا و يكتب الملاحظة بتاعتة "كل دة كلام جميل" بس المراقبين مش فنانين و مش عارفين اية اللي يصلح لدرامة الفيلم و اية الغير صالح للدرامة "لا " دول عاملين زي الجزارين اقطع يابني المشهد دة و كمان المشهد دة و طبعا العامل بيسال المشاهد دي هاتروح فين يقولة يا عم خليها لينا زي فيلم "السلم و الثعبان" بعد ما يتفرجوا علي المشهد مليون مرة و يفرحوا يلا بقة اقطع يابني علي فكرة المشاهد مش لازم تكون مشاهد اباحية او كلام خارج او حتي كلام في السياسة لا دة ممكن في ابسط حاجة يكون المراقب بيقراء الكف و يقولك المشهد دة طويل شوية اقطع يابني و ممكن المشهد دة يكون "مستر سين" ياعني اهم مشهد في السينما و اللي بيكمل درامة الفيلم للمشاهد

السؤال دلوقتي يا تري الرقابة و صلت لها الرشاوي ؟؟؟؟

بنت الجيران

يا بنت الجيران فينك من زمان

نفسي ابتسم بسمة المكسوف

بعد ما ارسمك علي الكفوف

و لساني يتلجم و معارفش ابوح

و الكلام يقولي طلعني خليني افوح

يا خسارة المباني الجديدة

اللي بتمنع بنت الجيران تطل علينة

عماير بعيدة عن بعضها

بتفصلها عواميد كهربا

اللي نور مش واصلها

يا بنت الجيران فينك من زمااااان

و كالعادة الصورة من موقع

http://www.wellandbrothers.com/

!!! تتر معلق

من كام يوم كدة كنت بتفرج علي فيلم "هامليت" بطولة "ميل جيبسون" بس مش هو دة الموضوع بعد ما اتفرجت علي الفيلم دخلت علي "النيت" و بحثت اكثر عن "شيكسبير " و لقيت موضوع بقلم "شيكسبير" عن هامليت اسمة "فكار جنونية فى دفتر هاملت" فا قررت انا ايضا اكتب افكار لكن ليس جنونية هي تميل "لاحاسيس" كنت ارغب بها من الطرف الاخر ليا اخت ليس شقيقة ساهمت في تربيتي من اول ولادتي لغاية و انا عندي ثلاث سنين و تركت المنزل هي و أبي و استقريت مع أمي لوحدنا في المنزل المهم بعد احدي عشر سنة زي "السيما" لقيتها اتصلت و قالت لي انا اختك طبعا السنين اللي فاتت دي كلها كنت بسال عليها و امي كانت دأما تحكيلي عليها "كل الخير و الله" المهم بعد كل السنين دي شوفنا بعض بس المقابلة كانت عادية جدا و عرفتني علي اخواتها اللي هما مش شقايقي المهم انا كنت داما احسب نفسي داخل شاشا و في اي وقت حاينزل عليا "التيتر" بس للاسف التيتر معلق اةة اية عمركم ما سميعتوا عن "التيتر المعلق" دة غير "الكبري المعلق" اكيد انا مش بستظرف دي الحقيقة التيتر هاينزل في يوم القيامة يوم الحساب "ربنا يكرم" كنت فاكر ان حايحتفل بي مثل مشهد في فيلم "عودة الابن الضال" شوفتوا الاحتفال و المشهد كان استعراضي جميل و بقة كنت متخيل ان مع اول حضن ليا مع اختي ها تلعب آلة العود أو الناي او القانون اةةة و هاتكون الحياة جميلة و تعرفني علي اي حد يعدي من جنبنا تقولة شوفوا دة اخويا المهم انا مش عارف لية انا كتبت الموضوع دة يمكن ع شان عايز اوصل لحاجة وهي زي ما قلت قبل كدة انا حاسس اني داخل شاشة و لما كنت في سنة ثاثلة اعدادي كان بيتعرض مسلسل اسمة " المحاربون" تاليف و اخراج "د.عصام الشماع" و بطولة طبعا "خالد الصاوي - محمود عبدالله - جيهان فاضل و آخرون" كنت شايف مجموعة شباب دأما بيرفض كلمة تنازلات عن احلامهم كنت فاكر ان دة في المسلسلات و بس و دأما بحلم اني اصاحب ناس زي دول و ارجع و اقول لنفسي ... هما فين دول لغاية ما بدأت في مشوار الكتابة عموما و بدأت امسك قلم و ورقة و اكتب افكاري المهم عرفت ان في مجلة اسمها "كلمتنا" يا عني بعد ثلاث سنين من الجري وراء هذا الحلم بان اكون من ضمن اعضاء التحرير و اخيرا اصبحت واحد منهم بس اثناء هذة المحاولات كنت عرفت مجلة اسمها "نحلم" و هي مجلة الكترونية و اللي قال لي عليها "رنا تيسير بدوي" و بدأت اكتب فيها تقريبا حوالي خمس شهور و من غير ما اعرف او اقابل اي احد من مؤسسين هذا الحلم و اخيرا حصلت مشاكل في المجلة و هي اللي جعلت الاعين تري اعضاء هذا الحلم هاقول لكم عن الظروف اللي وجهوها ع شان انتم نفسكم هاتقولوا دول فعلا "رافضين كلمة تنازلات" "صبري سراج -ماجد ابراهيم - مني زينهم- اية علا الدين - محمد تهامي - حسين هاشم - احمد ظريف" و اكيد في شباب كثيرة قوي لكن للاسف العبد الله متعرفش لسة عليهم جميع هؤلاء الشباب كانوا ايضا في مشوار البحث عن مكان يزرعوا فية حلمهم بدون تنازلات المكان اسمة "جريدة شباب مصر " لصاحبها و المتحكم الاوحد لخيراتها "احمد عبد الهادي" الاقرع النزهي "علي فكرة دي مش شتيمة فية دة وصف لة ليس الا" المهم الشباب دي كلها بتكتب في مجلة نحلم اسسوها بعد الخبرة التي اكتسبوها مع "عبد الهادي" وعيرفوا يعملوا اية و ميعملوش اية اجتماعتنا بتكون في "المركز الابداع الثقافي" في الاوبرا و بكون معاهم و بسمعهم و هما بيتكلموا و في نفس الوقت قلت لنفسي اخيرا اتعرفت علي شباب بيرفض التنازلات

صبري سراج: رئيس تحرير نحلم و نفسة يكون مذيع و الحلم دة كان معاة من ايام المدرسة و "النشرة المدرسية في طبور الصباح " و المدرس الذي كان ياخذ مجهودة و هو الذي يذيع النشرة مكان صبري و يتمني بان مجلة نحلم تصبح اهم مجلة الكترونية و تبني فكرة تهامي في تربية المجلة من افكارة و علي فكرة اهم ناقد في رائيي و داما بستفيد منة

ماجد ابراهيم: بدات موهبة الكتابة عندة مع حصص التعبير في اللغة العربية و المدرسين كانوا يعطوة درجات قليلة ع شان كان بيكتب الحقيقة في مواضيعة و رفض التنازل عن حقة الا بمذاجة و بدا يكتب في التفاهات ع شان الدرجات العليا لكن مواضيعة الانشائية كانت لا تخلي عن الحقيقة و هو دلوقتي بيكتب في الدستور

منة زينهم : صاحبة اول تقرير صحفي عن اولاد الشوارع في مجلة كلمتنا بينت بميت راجل بتحب الصحافة بجد اللي يشوفها و هي بتتكلم يقول الدنيا لسة بخير سمعت ل عبد الهادي و احلامة الفاضية لكن اتعلمت و بقت فاهمة كل الاعيب الصحافة
اية علاء الدين : صحفية موهوبة جدا و دة هاتشوفوة في مدوناتها

http://ayoyart2u.blogspot.com/

محمد التهامي:هو صاحب اسم نحلم و هو بيحب السيما و بيكتب سيناريوهات و لة فيلم في قناة العربية اسمة "في كل بيت " من كثر حبة في الصحافة عمل ثلاث مدونات و داما كانت بتقفل من الجهات المختصة لكن هو لا يمل و اتمان صبري علي حلمة

حسين هاشم: هو ايضا اصبح من اعضاء تحرير كلمتنا و كان علية شوية مواضيع في موقع ايجي فيلم تحفة كل حرف فيها بيقول "لا للتنازلات"و هو بيفهم في كل حاجة "محاماة - كومبيوتر - صحافة" و ماخافيا كان اعظم

احمد ظريف: واحد بيحب الصحافة بجد و هو اللي جعلني احكم عليهم بانهم شباب زي اللي في مسلسل "المحاربون" و كلامة عن الصحافة البايظة و هو ايضا من ضمن تدميرات "شباب مصر" لكن بعدها اصبح اقوي و عارف يلاقي حقة ازاي

يمكن كلامي عنهم مش كتير بس دة لاني لسة معرفتهمش اكثر بس هما رمز لكلمة "لا" و هما اللي جعلوني اقول لسة في تجمعات شباب علي القهاوي و الكلام عن كل حاجة و في اي حاجة و اللي عرفني علي القهاوي و القعدة فيها "احمد عادل - عمرو عادل - عمر الصواف - احمد علي " و هما اللي وصلوني لكل قهاوي مصر لغاية ما وصلت لجماعة الصحافة و الشباب اللي اصحاب كلمة "لا" شوفتوا بقة مافيش حاجة بتيجي لوحدها كلة بيوصل لكلة و اللي هايثبت كدة "شريف البنداري" اول واحد يقراء لي قصة قصيرة و زي ما انتم شايفين الغة عندي تعبانة شوية قال لي اقراء كثير انت افكارك حلوة بس مقالش كدة و سابني لا قال لي اقراء لمين كمان "صنع الله ابراهيم" و فعلا قراءة لة معظم كتباتة و هو اللي جعلني اعرف اتكلم مع اهم شباب من وجهة نظري هم شباب اصحاب كلمة "لا" و هم قبل ما يعرافوني كانوا اتعهدوا علي نفسهم انهم ميسيبوش بعض ابدا ... انا بطلب منهم الطلب دة ممكن اضم اديا في اديكم ... اةةةة شوفتوا بقة نسيت اللي داما بيحلي القعدة الجميلة "مودي" مغني الشلة و واد جدع جدا جدا و علي فكرة ادعو لة ع شان هو بقة في فرقة "ام كلثوم" في الاوبرا و لحن كلام العبد الله كان كاتبة هاتسمعوة قريب في المشربية بس خلاص كدة و علي فكرة الموضوع دة لن يقفل مع كل حاجة جديدة حاضيفها علية

خليكوا معايا

فاكرين مشهد في" فيلم صلاح الدين" لما" احمد مظهر" راح "لحمدي غيث اللي هو" ريتشارد قلب الاسد" ع شان يعالجة كانت ايام جميلة و فراسة من صلاح الدين الايوبي الغريبة ان مافيش حد من انصار صلاح الدين قال "الخائن - العميل - ابن الفلان - " و الكلام اللي احنا عرفينة اليومين دول

تفتكروا لو حصل حاجة زي دي دلوقتي ممكن اية اللي يحصل !!!!!؟؟؟؟؟

من غير ماحد يفكر هي معروفة يا اما حايعتقل او حايغتال او يتقال علية دة مريض نفسي!! و يجيبوا دكتور ياخذ اللي فية النصيب و يقول دة كان بيتعالج عندي من كام سنة "مش دة حال الدنيا "

تعالوا معايا

لو "عباس" رئيس فلسطين بعد الشر حصل لة حاجة و جاء لزيارتة اللي مايتسماش " اولميرت" تفتكروا اية الحوار اللي ممكن يدور بينهم

اولمرت: يا حبيبي يا عباس الف سلامة عليك

عباس:الله يسلمك يا سيدي الف شكر

اولمرت: بقولك اية انت خلاص بقة كبيرت و عايز اللي يخدمك

عباس :ايوة عايز اية يا عني؟؟

اولمرت: انت خلاص مش قد فلسطين سيبها لينا و احنا هانوضبها

عباس :صح و مالة علي راي عمرو دياب

اولمرت: لية كدة يا حبيبي دة احنا خايفين عليك

عباس : و دة مين اللي قايلها

اولمرت :ياةة يا حبيبي والله هاتوحشني المناكفة معاك

مش ممكن تحصل حاجة زي دي ؟؟؟!!!! نفترض العكس

اولمرت اللي عيان

عباس : ياةة شوفت بقة دي دعوات العرب ما تخلع بقة

اولمرت : لية كدة يا حبيبي دة احنا هانضبط البلد

عباس : اة دة لما تشوف حلمة ودنك هو احنا هانسيبهالكم

اولمرت : احنا معندناش و دان

عباس : اة فاتيتني دي

اولمرت : لالا فوق كدة كنا سميعناكوا من زمان يا حبيبي

انتم عارفين اية الجميل في الحوار دة ان الاتنين اصرح من الصراحة بس ممكن فعلا يكون فية بلاهة اكثر من كدة ياعني ممكن تكون الامور وصلت لمرحلة التعود علي الحال اللي موجود ممكن فعلا اولمرت يشتاق للحروب مع عباس و عباس يكون بالفكاهة دي مع اولمرت

عايز اعرف رايكم ؟؟؟؟